இன்றைய நாள் ஜோதிடம் (08.09.2020) எண்ணிய முயற்சிகள் ஈடேறும்!

மேஷம்: பூர்வீக சொத்துக்களை கொண்டு புதிய தொழில்களை அமைப்பதற்கான முயற்சிகளை மேற்கொள்வீர்கள். வாரிசுகளின் மூலம் சுபவிரயங்கள் உண்டாகும். உயர் கல்விக்கான முயற்சிகள் நல்ல பலன்களை தரும்.

ரிஷபம்: உடல் தோற்றப்பொலிவில் முன்னேற்றம் உண்டாகும். உறவினர்களிடம் உறவுநிலை மேம்படும். ஆன்மிகம் தொடர்பான எண்ணங்கள் மேலோங்கும். இளைய சகோதரர்களிடம் அனுகூலமாக நடந்து கொள்ளவும். கால்நடைகளின் மூலம் எதிர்பார்த்த இலாபம் உண்டாகும். 

மிதுனம்: உடல்நலத்தில் இருந்துவந்த பிரச்சனைகள் நீங்கி சுபிட்சம் உண்டாகும். கேளிக்கைகளில் ஈடுபட்டு மனமகிழ்ச்சி அடைவீர்கள். எந்தவொரு செயலையும் நிதானத்துடன் செய்ய வேண்டும். கடன் தொல்லைகள் குறையும். சிறு தூர பயணங்களின் மூலம் ஆதாயம் உண்டாகும்.

கடகம்: சபை தலைவராய் வீற்றிருக்க அனைவரின் ஒத்துழைப்பும் கிடைக்கும். மூத்த சகோதரர்களின் ஆதரவால் தொழிலில் முன்னேற்றம் உண்டாகும். எதிர்பார்த்த கடன் உதவிகள் கிடைக்கும். பொன், பொருள் சேர்க்கை உண்டாகும். புதிய வேலை தேடுபவர்களுக்கு சுபச்செய்திகள் கிடைக்கும்.

சிம்மம்: தொழில் சார்ந்த எண்ணங்கள் மேலோங்கும். மாணவர்கள் புத்திக்கூர்மையின் மூலம் பாராட்டப்படுவீர்கள். கலை சார்ந்த அறிவுகள் மேம்படும். சுயதொழிலில் மேன்மையான சூழல் அமையும். அரசு தொடர்பான காரியங்களில் ஆதாயம் உண்டாகும். இறைவழிபாட்டில் மனம் ஈடுபடும்.

கன்னி: தந்தைவழி சொத்துக்களில் இருந்துவந்த பிரச்சனைகள் குறையும். வெளிவட்டாரங்களில் செல்வாக்கு உயரும். திடீர் யோகத்தால் மனமகிழ்ச்சி அடைவீர்கள். கணவன், மனைவிக்கிடையே உறவு மேம்படும். அருள் தரும் வேள்விகளில் கலந்து கொண்டு மனம் மகிழ்வீர்கள். 

துலாம்: பணியில் உள்ளவர்களுக்கு தேவையற்ற கவலைகள் தோன்றும். சிந்தனையின் போக்கில் மாற்றங்கள் உண்டாகும். செயல்பாடுகளில் சிறிது கவனம் வேண்டும். எதிர்பாராத வீண் அலைச்சல்கள் உண்டாகும். மூத்த சகோதரர்களிடம் வாக்குவாதங்களை தவிர்க்கவும்.

விருச்சகம்: தொழில் சம்பந்தமான அலைச்சல்களால் மேன்மை உண்டாகும். நண்பர்களின் மூலம் தொழிலில் அபிவிருத்தி ஏற்படும். சர்வதேச வணிகம் எதிர்பார்த்த பலன்களை தரும். அரசு அதிகாரிகளின் மூலம் சாதகமான சூழல் உண்டாகும்.

தனுசு: தந்தையின் உடல்நலத்தில் கவனம் வேண்டும். தாயின் ஆதரவினால் மனமகிழ்ச்சி அடைவீர்கள். கலை சார்ந்த துறைகளில் இருப்பவர்களுக்கு அலைச்சல்கள் உண்டாகும். புதிய பயணங்களை மேற்கொள்வீர்கள். எண்ணிய முயற்சிகள் ஈடேறும்.

மகரம்: தன்னம்பிக்கையுடன் எல்லா காரியங்களிலும் ஈடுபடுவீர்கள். உத்தியோகஸ்தர்கள் சக ஊழியர்களிடம் நிதானத்துடன் நடக்கவும். தொழில் அலைச்சல்களால் இலாபம் அடைவீர்கள். நீண்ட நாட்களாக இருந்துவந்த சிக்கல்களை அமைதியாக கையாண்டு முடிப்பீர்கள்.

கும்பம்: பொதுநலத்திற்கான செயல்பாடுகளில் எண்ணங்கள் ஈடுபடும். நீர்வழி தொழிலின் மூலம் இலாபம் அதிகரிக்கும். வாகனப் பயணங்களால் மகிழ்ச்சி உண்டாகும். போட்டிகளில் எதிர்பார்த்த முடிவுகள் கிடைக்கும். நண்பர்களுடன் இணைந்து புதிய செயல்களை செய்வதன் மூலம் தனலாபம் உண்டாகும். 

மீனம்: முயற்சிகள் ஈடேறக்கூடிய அனுகூலமான சூழல் உண்டாகும். கால்நடைகள் வளர்ப்பவர்களுக்கு சில விரயங்கள் ஏற்படும். பணிகளில் பொறுப்புகள் அதிகரிக்கும். அரசியல் பிரமுகர்கள் அமைதி போக்கினை கடைபிடிப்பது நல்லது. உடன்பிறப்புகளின் மூலம் சுபவிரயங்கள் உண்டாகும்.