அதிரடி அறிவிப்பை வெளியிட்ட ‘மெக்டொனால்ட்ஸ்‘

30ஆண்டுகளுக்கும் மேலாக ரஷ்யாவில் கிளைகளை நிறுவி வருவாய் ஈட்டி வந்த ‘மெக்டொனால்ட்ஸ்‘நிறுவனம் அதிரடி அறிவிப்பொன்றை வெளியிட்டுள்ளது. 
உலக நாடுகளின் எதிர்ப்பையும் மீறி கடந்த 2 மாதங்களுக்கும் மேலாக உக்ரேன் மீது ரஷ்யப் படைகள் தாக்குதல் நடத்தி வருகின்றன. 

இந்நிலையயில் உக்ரேன் மீதான ரஷ்யாவின் தாக்குதல்களுக்கு கண்டனம் தெரிவிக்கும் விதமாக ரஷ்யாவில் உள்ள  தனது 850 கிளைகளை  முழுமையாக மூட முடிவு செய்துள்ளதாக ‘மெக்டொனால்ட்ஸ்‘ நிறுவனம் அறிவித்துள்ளது. 

அத்துடன்  தற்போது அனைத்து கிளைகளையும் உள்ளூர் முதலிட்டாளர்களிடம் விற்க முயன்று வருவதாகவும், நிறுவனம் கைமாறும் வரை 62,000க்கும் மேற்பட்ட ஊழியர்களுக்கு சம்பளம் வழங்கப்படும் எனவும் அந்நிறுவனம் அறிவித்துள்ளமை குறிப்பிடத்தக்கது.