ஆடையால் தீவிரமடையும் போராட்டம்; பாடசாலை மாணவர்கள் கைது

ஈரானில் அண்மையில் ஹிஜாப்பினை முறையாக அணியாத காரணத்தினால் 22 வயதான  `மஹ்சா அமினி‘ என்ற பெண் பொலிஸாரினால் கொல்லப்பட்டார்.

இச்சம்பவமானது உலகளவில் பெரும் அதிர்வலைகளை ஏற்படுத்தியிருந்த நிலையில், அரசுக்கு எதிராக ஆயிரக்கணக்கானோர்  தொடர்  போராட்டங்களில்  ஈடுபட்டு வருகின்றனர்.

அந்தவகையில் தற்போது , நூற்றுக்கணக்கான பாடசாலை மாணவ-மாணவிகளும் இப் போராட்டத்தில் குதித்துள்ளனர்.

இந்நிலையில்  இப்போராட்டங்களில் ஈடுபட்டுள்ள மாணவர்கள் பொலிஸாரினால் கைதுசெய்யப்பட்டு வருவதாகத் தகவல் வெளியாகியுள்ளது.

இதனையடுத்து அந்நாட்டில் மேலும் பரபரப்பு ஏற்பட்டுள்ளதாகத் தெரிவிக்கப்பட்டுள்ளது.