ஆப்கானிஸ்தானில் 30 பேர் பலி

ஆப்கானிஸ்தானின் வடகிழக்குப் பகுதியிலுள்ள தங்கச் சுரங்கமொன்று இடிந்து விழுந்ததில், குறைந்தது 30 பேர் உயிரிழந்தனர் என, அந்நாட்டு அதிகாரிகள், நேற்று முன்தினம் (06) தெரிவித்தனர். உயிரிழந்தோருக்கு மேலதிகமாக, 7 பேர் காயமடைந்தனர்.

படக்‌ஷான் மாகாணத்திலுள்ள கொஹிஸ்தான் பகுதியில் இடம்பெற்ற இச்சம்பவம், போரால் பாதிக்கப்பட்டுள்ள ஆப்கானிஸ்தானில், மேலுமோர் அழிவாக அமைந்துள்ளது.

ஆறொன்றில் பாரிய துளையொன்றைத் தோண்டி, தங்கத்தைத் தேடியபோதே, இவ்வனர்த்தம் ஏற்பட்டது.