கொரோனாத் தடுப்பூசியைக் கண்டு பிடித்தவர் கொடூரக் கொலை

உலகை அச்சுறுத்தி வந்த கொரோனாத் தொற்றுப் பரவலைக்  கட்டுப்படுத்தும் விதமாக ரஷ்யாவினால்  கடந்த 2020 ஆம் ஆண்டு ‘ஸ்புட்னிக்-வி‘ (Sputnik V) என்ற தடுப்பூசி கண்டுபிடிக்கப்பட்டது.

இந்நிலையில் இத்தடுப்பூசியைக்  கண்டுபிடித்த விஞ்ஞானிகளில் ஒருவரான ஆண்ட்ரே போடிகோவ் (Andrey Botikov)  என்பவர்  கடந்த 2 ஆம் திகதி தனது வீட்டில் வைத்து  மர்ம நபரால் ‘பெல்டால் கழுத்து நெரிக்கப்பட்ட நிலையில்‘ கொலை செய்யப்பட்டுள்ளார்.

இந்நிலையில் அவரது மரணம் தொடர்பில் பொலிஸார் தீவிர விசாரணைகளை முன்னெடுத்து வருகின்றனர்.

47 வயதான போடிகோவ், ‘கமலேயா தேசிய ஆராய்ச்சி மையத்தில்‘  மூத்த விஞ்ஞானியாகப்  பணியாற்றி வந்தவர் என்பதும்,  கடந்த 2021 ஆம் ஆண்டு சிறந்த விஞ்ஞானிக்கான விருதை பெற்றவர் என்பதும் குறிப்பிடத்தக்கது.