பிலிப்பைன்ஸில் சக்திவாய்ந்த நிலநடுக்கம்

பிலிப்பைன்ஸின் நேற்றைய தினம் 6.1  ரிச்சட் அளவில்  சக்தி வாய்ந்த நிலநடுக்கமொன்று  ஏற்பட்டுள்ளது.

மாஸ்பேட் தீவில் உள்ள மியாகா என்ற இடத்தில் 11 கி.மீற்றர் ஆழத்தில் உள்ளூர் நேரப்படி அதிகாலை 2 மணிக்கு இந்த நிலநடுக்கம் ஏற்பட்டதாக அமெரிக்க புவியியல் ஆய்வு மையம் தெரிவித்துள்ளது.

 நிலநடுக்கத்தால் கட்டிடங்கள் குலுங்கின. இதனால் பல இடங்களில் மக்கள் வீடுகளை விட்டு வெளியேறி வீதிகளில் தஞ்சம் அடைந்தனர்.

இந்நிலநடுக்கத்தால் சேதம் எதுவும் ஏற்பட்டதாக தற்போது வரை எந்த தகவலும் இல்லை.

துருக்கியில் கடந்த வாரம் ஏற்பட்ட 3 சக்திவாய்ந்த நிலநடுக்கங்களால் இதுவரை 41,000 பேர் உயிரிழந்துள்ளனர் என்பதும் குறிப்பிடத்தக்கது.