புதுடெல்லியில் கடும் நிலநடுக்கம்

நேபாளத்தில் இன்று பிற்பகல் 2.25 மணியளவில் ரிக்டர் 4.6 அளவில் நிலநடுக்கம் ஏற்பட்டது. அதைத் தொடர்ந்து மீண்டும் 2.51 மணியளவில் ரிக்டர் 6.2 அளவில் கடும் நிலநடுக்கம் ஏற்பட்டது. இந்த நிலநடுக்கத்தின் மையம் தரைப்பகுதியில் இருந்து சுமார் 5 கி.மீ. ஆழத்தில் அமைந்திருந்ததாக புவியியல் ஆய்வு மையம் தெரிவித்துள்ளது.

இதன் தாக்கம் டெல்லி-என்சிஆர் உட்பட வட இந்தியாவின் பல பகுதி மற்றும் சீனா ஆகிய நாடுகளில் உணரப்பட்டுள்ளது.

இந்த நிலநடுக்கத்தினால் உண்டான சேத விபரங்கள் தொடர்பில் விரிவான தகவல் தெரிவிக்கப்படவில்லை.

மேலும் டெல்லி-என்சிஆர் குடியிருப்பாளர்கள் இரண்டாவது நிலநடுக்கத்திற்குப் பிறகு அலுவலகங்கள் மற்றும் கட்டிடங்களில் இருந்து  வெளியேறும் வீடியோக்கள் சமூக வலைதளங்களில் பதிவிடப்பட்டு வருகின்றது.