பும்ராவுக்கு ஆபரேஷன் வெற்றி

மும்பை

இந்திய கிரிக்கெட் அணியின் நட்சத்திர வேகப்பந்து வீச்சாளரான ஜஸ்பிரித் பும்ராவுக்கு கடந்த ஆண்டு ஜூலை மாதம் நடந்த இங்கிலாந்துக்கு எதிரான 2-வது ஒருநாள் போட்டியின் போது முதுகுப் பகுதியில் ஏற்பட்ட அழுத்தம் காரணமாக லேசான எலும்பு முறிவு ஏற்பட்டதால் எஞ்சிய போட்டி தொடரில் இருந்து விலகினார். மற்றும் 20 ஓவர் உலகக் கோப்பை போட்டியைத் தவறவிட்டார்.

அவரது காயத்துக்கு நிரந்தர தீர்வு காண சத்திர சிகிச்சை செய்ய வேண்டியது அவசியம் என்று தேசிய கிரிக்கெட் அகாடமியின் மருத்துவ குழுவினர் பரிந்துரை செய்தனர்.

இதையடுத்து நியூசிலாந்தின் கிறைஸ்ட் சர்ச் நகரில் உள்ள ஆஸ்பத்திரியில் கடந்த திங்கட்கிழமை பும்ராவுக்கு சத்திர சிகிச்சை செய்யப்பட்டது.  

இந்த மாதம் இறுதி வரை நியூசிலாந்தில் தங்கி சிகிச்சை பெறும் பும்ரா ஆகஸ்டு மாதம் முதல் பயிற்சியை தொடங்க திட்டமிடப்பட்டு இருக்கிறது.