ரஷ்யாவிற்கு நிபந்தனையற்ற ஆதரவு: வட கொரியா உறுதி

ரஷ்யாவிற்கு நிபந்தனையற்ற ஆதரவு வழங்குவதாக  வட கொரிய ஜனாதிபதி கிம் ஜ கிம் ஜாங் உன் தெரிவித்துள்ளார்.

ரஷ்யாவின் அழைப்பை ஏற்று வட கொரிய ஜனாதிபதி  கிம் ஜாங்  உன் அந்நாட்டுக்குச் சென்றுள்ளார்.

இதன்போது ரஷ்ய ஜனாதிபதி  விளாடிமிர்  புட்டினுடன் வட கொரிய ஜனாதிபதி  கிம் ஜாங் உன் சுமார் 5 மணி நேரம் பேச்சுவார்த்தை நடத்தியுள்ளார்.

குறத்த பேச்சுவார்த்தை நிறைவடைந்ததாக அந்நாட்டுச் செய்தி நிறுவனம் தெரிவித்துள்ளது.

முன்னதாக, ரஷ்யாவின் தென் கிழக்கில் உள்ள ரஷ்யாவின் முக்கிய விண்வெளி மையமான வோஸ்டோச்னி காஸ்மோடிரோம் தளத்தில் வட கொரிய ஜனாதிபதியை வரவேற்ற புட்டின், அங்குள்ள பல முக்கிய அம்சங்களை வட கொரிய ஜனாதிபதிக்குச் சுற்றிக் காண்பித்துள்ளதாகத் தெரிவிக்கப்படுகின்றது.

இதற்குப் பின்னர் தூதர்கள் அளவிலான சந்திப்புகள் நடைபெற்றுள்ளது.

ரஷ்ய ஜனாதிபதி  விளாடிமிர்  புட்டின், வட கொரிய ஜனாதிபதி கிம்   ஜாங் உன் ஆகிய இருவரின் இந்த தனிப்பட்ட சந்திப்பிற்கு முன்னதாக ரஷ்ய-உக்ரைன் போரை மறைமுகமாகக் குறிப்பிடும் விதமாக, "ரஷ்யா தனது பாதுகாப்புக்காக மேற்கொண்டு வரும் புனித போரில், அந்நாட்டிற்குத் தேவைப்படும் முழுமையான, நிபந்தனையற்ற ஆதரவை வட கொரியா வழங்கும்" என கிம் ஜாங் உன் உறுதியளித்துள்ளார்.