சென்.அன்ரனீஸ் அணி ஹட்ரிக் சம்பியன்

Kanagaraj / 2014 ஜூன் 13 , மு.ப. 07:37 - 0 - {{hitsCtrl.values.hits}}

-குணசேகரன் சுரேன்

வடமாகாண பாடசாலைகளுக்கிடையில் இடம்பெற்ற உடற்பயிற்சிப் போட்டியில் ஊர்காவற்றுறை சென்.அன்ரனீஸ் அணி தொடர்ந்து மூன்றாவது முறையாகச் சம்பினாகியுள்ளது. (2012 மற்றும் 2013 ஆம் ஆண்டுகளிலும் மாகாணச் சம்பியனாகியிருந்தது).

வடமாகாணக் கல்வித் திணைக்களத்தின் ஏற்பாட்டில் வடமாகாணப் பாடசாலைகளுக்கிடையிலான விளையாட்டுப்போட்டிகள் 5 கட்டங்களாக இடம்பெற்று வருகின்றன.

முதலாம் இரண்டாம் கட்டப் போட்டிகள் முல்லைத்தீவு மாவட்டத்திலும், மூன்றாம் கட்டப்போட்டிகள் வவுனியா மாவட்டத்திலும் இடம்பெற்று முடிந்த நிலையில் தற்போது, 4 ஆம் கட்டப் போட்டிகள் யாழ்ப்பாண மாவட்டத்தில் இடம்பெற்று வருகின்றன.

இதில் 19 வயதுப்பிரிவு ஆண்கள், பெண்களுக்கான உடற்பயிற்சிப் போட்டிகள் யாழ்.துரையப்பா விளையாட்டரங்கில் செவ்வாய்க்கிழமை (10) இடம்பெற்றன.

ஆண்களுக்கான போட்டியில் யாழ்.ஊர்காவற்றுறை சென்.அன்ரனீஸ் கல்லூரி அணி முதலிடத்தினையும், இளவாலை சென்.ஹென்றிஸ் அணி இரண்டாமிடத்தினையும், பருத்தித்துறை சித்தி விநாயகர் வித்தியாலயம் மூன்றாமிடத்தினையும் பெற்றன.

பெண்களுக்கான போட்டியில் மானிப்பாய் மகளிர் கல்லூரி அணி முதலிடத்தினையும், யாழ்.வேம்படி மகளிர் உயர்தரப் பாடசாலை அணி இரண்டாமிடத்தினையும், வடமராட்சி இந்து மகளிர் கல்லூரி அணி மூன்றாமிடத்தினையும் பெற்றன.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .