ரிப்டொப் விளையாட்டுக்கழகம் சம்பியன

-ரீ.கே.றஹ்மத்துல்லா

மாஹீர் பவுண்டேசன் அனுசரணையுடன் இற்மேற் விளையாட்டுக்கழகம் ஏற்பாடு செய்த மென்பந்து கிரிக்கெட் சுற்றுப் போட்டியில் ரிப்டொப் விளையாட்டுக்கழகம் சம்பியன் கிண்ணத்தை சுவிகரித்துக் கொண்டது.

சம்மாந்துறை சென்னல் சாஹிறா வித்தியாலய மைதானத்தில் சனிக்கிழமை(21) இப்போட்டி நடைபெற்றது.

அணிக்கு 8 பேர் கொண்ட 7 ஓவர்களாக மட்டுப்படுத்தப்பட்ட இறுதிப் போட்டிக்கு சம்மாந்துறை ரிப்டொப் விளையாட்டுக்கழகமும் சென்னல் செவன் ஸ்டார் விளையாட்டுக்கழகமும் மோதின.

இப்போட்டியில் முதலில் துடுப்பெடுத்தாடிய சென்னல் செவன் ஸ்டார் அணி 7 ஓவர்கள் நிறைவில் 34 ஓட்டங்களை மாத்திரம் பெற்றது.

பதிலுக்கு துடுப்பெடுத்தாடிய சம்மாந்துறை ரிப்டொப் விளையாட்டுக்கழக அணியினர் மட்டுப்படுத்தப்பட்ட குறித்த ஓவர்களில் 2 ஓட்டங்களை மேலதிகமாகப் பெற்று சம்பியனாயினர்.

இற்மேற் விளையாட்டுக் கழகத்தின் தலைவர் எம்.பௌசான் தலைமையில் நடைபெற்ற இப்போட்டியில் மாஹீர் பவுண்டேசன் தலைவர் வை.வீ.சலீம், செயலாளர் எம்.ஐ.மஜூட், அம்பாறை மாவட்ட விளையாட்டு பயிற்றுவிப்பாளர் ஏ.நதார், எஸ்.எல்.நாசர் உள்ளிட்ட பலர் கலந்துகொண்டனர்.