வென்ற சாய்ந்தமருது மியன்டாட்

- எம்.என்.எம். அப்ராஸ்

அம்பாறை மாவட்டத்தில் முன்னணிக் கழகமான சாய்ந்தமருது மியன்டாட் விளையாட்டுக் கழகத்துக்கும் மட்டக்களப்பு மாவட்ட பூனொச்சிமுனை விளையாட்டுக் கழகத்துக்குமிடையே இடம்பெற்ற சிநே பூர்வ கடினபந்து கிரிக்கெட் போட்டியில் மியன்டாட் 6 விக்கெட்டுகளால் வென்றது.

இப்போட்டியானது பூனொச்சிமுனை இக்ரா பாடசாலை விளையாட்டு மைதானத்தில் அண்மையில் இடம்பெற்றது.

20 ஓவர்கள் கொண்ட இப்போட்டியில் முதலில் துடுப்பெடுத்தாடிய பூனொச்சிமுனை, 4 விக்கெட்டுகளை இழந்து 184 ஒட்டங்களைப் பெற்றது. துடுப்பாட்டத்தில், சஜி 50 ஓட்டங்களைப் பெற்றார்.

பதிலுக்கு, 184 ஓட்டங்களை வெற்றியிலக்காகக் கொண்டு துடுப்பெடுத்தாடிய மியன்டாட், 17.2 ஓவர்களில் 4 விக்கெட்டுகளை இழந்த நிலையில் வெற்றியிலக்கையடைந்தது. துடுப்பாட்டத்தில், ஏ.எம். பயாஸ் 87 ஓட்டங்களைப் பெற்றார்.

 இப்போட்டியின் நாயகனாக பயாஸ் தெரிவாகியிருந்தார்.