3,440 கிலோ கிராம் பீடி இலைகள் மீட்பு

புத்தளம் - நுரைச்சோலை , இளந்தையடி கடற்பிரதேசத்தில் மறைத்துவைக்கப்பட்டிருந்த நிலையில் ஒருதொகை பீடி இலைகளுடன் ஒருவர் கைது செய்யப்பட்ட சம்பவம்  ஞாயிற்றுக்கிழமை (03) இடம்பெற்றுள்ளது . 

நுரைச்சோலை பகுதியைச் சேர்ந்த 29 வயதுடைய ஒருவரே  இவ்வாறு கைது செய்யப்பட்டுள்ளார் . 

கடலோர பாதுகாப்பு கடற்படையினரால் இளந்தையடி கடற்பிரதேசத்தில்  முன்னெடுக்கப்பட்ட விஷேட தேடுதல் நடவடிக்கையின் போது  சந்தேகத்திற்கிடமான முறையில் மறைத்து வைக்கப்பட்டிருந்த  111 பார்சல்களை சோதனை செய்த போதே  , அதிலிருந்து  3,440 கிலோ கிராம் பீடி இலைகள் மீட்கப்பட்டுள்ளது . 

இவ்வாறு கடற்படையினரால் மீட்கப்பட்ட பீடி இலைகள் அடங்கிய பார்சல்களும்   , கைது செய்யப்பட்ட சந்தேக நபரும் மேலதிக சட்ட நடவடிக்கைகளுக்காக கட்டுநாயக்க சுங்க அலுவலகத்திடம் ஒப்படைத்துள்ளதாக கடற்படையினர் தெரிவித்துள்ளனர்.

ரஸீன் ரஸ்மின்