4,450 போதைக் குளிசைகளுடன் இருவர் கைது

சீதுவ பகுதியில் , 4450 போதைக் குளிசைகளை காரில் ஏற்றிச் சென்ற  இரண்டு சந்தேக நபர்கள், புதன்கிழமை (04) அன்று  கைது செய்யப்பட்டுள்ளதாக பொலிஸ் சிறப்பு அதிரடிப்படை தெரிவித்துள்ளது.

கைது செய்யப்பட்டவர்கள் கிரிபத்கொடை , கந்தான பகுதிகளைச் சேர்ந்த 42 மற்றும் 51 வயதுடையவர்கள் என தெரியவந்துள்ளது.

பொலிஸ் சிறப்பு அதிரடிப்படையினருக்கு கிடைக்கப்பெற்ற தகவலுக்கமைய மேற்கொள்ளப்பட்ட சோதனை நடவடிக்கையின் போதே சந்தேக நபர்கள் கைது செய்யப்பட்டுள்ளனர்.

மேலும் கைது செய்யப்பட்டவர் மேலதிக விசாரணைகளுக்காக சீதுவ பொலிஸாரிடம் ஒப்படைக்கப்பட்டுள்ளமை குறிப்பிடத்தக்கது.