ஜஸ் கொடுத்தவரும் வாங்கியவர்களும் கைது

மொரட்டுவ பகுதியில் குழந்தைகளை கையில் ஏந்தியவாறு ஐஸ்  போதைபொருள் விற்பனையில் ஈடுபட்டதாக  கூறப்படும் இரு சந்தேக நபர்களும் அவற்றை வாங்க வந்த மூன்று சந்தேக நபர்களும் கைது செய்யப்பட்டதாக மொரட்டுவ எகொட பொலிஸார் தெரிவித்தனர்.

இதற்கமைய, கடத்தலை மேற்கொண்டதாகக் கூறப்படும் சந்தேக நபர்களுக்கு எதிராக போதைப்பொருள் குற்றச்சாட்டுகள் நிலுவையில் உள்ளதாகவும் பொலிஸார் தெரிவித்துள்ளமை குறிப்பிடத்தக்கது.

மேலும், ஐஸ் விற்பனையில் ஈடுப்பட்ட சந்தேகநபர்கள் இருவரும் எகொட உயனே பகுதியைச் சேர்ந்த 35 மற்றும் 24 வயதுடையவர்கள், மற்றைய மூவரும் அம்பலாங்கொட மற்றும் பலபிட்டிய பிரதேசங்களை சேர்ந்தவர்கள் என பொலிஸார் தெரிவித்தனர்.