டிப்பரின் வேகத்தால் வீதியில் நின்ற இளைஞன் பலி

ஹலாவத்தை - திகன்வெவ பிரதேசத்தில் வீதிக்கு அருகில் உழவு இயந்திரத்திற்கு எரிபொருளை ஏற்றிக்கொண்டிருந்த  இளைஞன் ஒருவர் மீது  தென்னை நெல் நாற்றுகளை ஏற்றிச் சென்ற பாரிய டிப்பர்  ஒன்று  மோதி  இளைஞன் இடத்திலேயே உயிரிழந்த சம்பவம்  திங்கட்கிழமை  (11) இடம்பெற்றுள்ளது .

ஹலாவத்தை , திகன்வெவ, மொரக்கலே பகுதியைச் சேர்ந்த ஜனிது தனஞ்சய என்ற 22 வயதுடைய இளைஞனே இவ்வாறு  உயிரிழந்துள்ளார்.

குறித்த  இளைஞன் சிறிய பேக்ஹோ இயந்திரமொன்றை தனது தந்தையின்  உழவு இயந்திரத்தில் ஏற்றிச் சென்றுக்கொண்டிருந்த போது , ​​உழவு இயந்திரத்தில் எரிபொருள் தீர்ந்துள்ளதுடன்  எரிபொருளை எடுத்து உழவு இயந்திரத்தில் ஏற்றிக் கொண்டிருந்த போது, ​​அதிவேகமாக வந்த டிப்பர்  வாகனம் திடீரென வீதியை  விட்டு  விலகி இளைஞன் மீது  கவீழ்ந்துள்ளது

விபத்தில் இளைஞன் தூக்கி வீசப்பட்டு சிறிய பள்ளத்தில் விழுந்துள்ளதாகவும் , டிப்பரின் முன் சக்கரங்கள் இளைஞனின் மார்பில் சிக்கி இருந்ததாகவும் பொலிஸார் தெரிவித்துள்ளனர் .