விழுந்த மரத்தில் மோதி ஒருவர் மரணம்

ஹங்வெல்ல பிரதேசத்தில் வீசிய பலத்த காற்றினால் வீதியில் விழுந்த மரமொன்றில் , மோட்டார் சைக்கிள் மோதி அதன் சாரதி உயிரிழந்துள்ள சம்பவம் வியாழக்கிழமை (23) இடம்பெற்றுள்ளது .

ஹங்வெல்ல பிரதேசத்தை சேர்ந்த , இரண்டு பிள்ளைகளின் தந்தையான ,47 வயதுடைய உபுல் அநுருத்த தெஹிவல லியனகே என்பவரே இவ்வாறு உயிரிழந்துள்ளார் .

குறித்த நபர் மற்றொரு குழுவினருடன் வெசாக் பண்டிகைக்கால உணவு வழங்கும் நிகழ்வை ஏற்பாடு செய்வதற்கான  மின் உற்பத்திக்கான எரிபொருளை எடுத்து வந்து கொண்டிருந்த போதே இவ் விபத்து இடம்பெற்றுள்ளது . 

மேலும் இது தொடர்பிலான மேலதிக விசாரணைகளை ஹங்வெல்ல பொலிஸார் மேற்கொண்டு வருகின்றனர் .