கொழும்பில் ஈரானிய திரைப்படங்கள்

உலக புகழ் பெற்ற ஈரான் இஸ்லாமியக் குடியரசின் திரைப்படங்களை கொழும்பில் திரையிடும் நடவடிக்கை அண்மையில் ஆரம்பித்து வைக்கப்பட்டது.

இந்த ஆரம்ப நிகழ்வில் இலங்கைக்கான ஈரான் தூதுவர் கலாநிதி நபி மொஹமட் ஹஸனி போரி, கலாசார கவுன்ஸிலர் மெஹ்தி ஜே ரொக்னி, பிரபல சிங்கள திரைப்பட நடிகைகளான சிரியானி அமரசேன மற்றும் மெனிக் குருகுலசூரிய உள்ளிட்ட பலர் கலந்துகொண்டனர்.

இந்த திரைப்படங்கள் ஓவ்வொரு மாதமும் முதலாம் மற்றும் இறுதி புதன்கிழமைகளில் இலக்கம் 06 சேர் ஏர்னஸ்ட் டி சில்வா மாவத்தையில் உள்ள ஈரான் தூதுவராலயத்தின் கலாசார பிரிவின் கேட்போர் கூடத்தில் ஒளிபரப்பப்படுகின்றது.

ஆங்கில உப தலைப்புக்களுடன் காண்பிக்கப்படும் இத்திரைப்படங்களுக்கான அனுமதி முற்றிலும் இலவசமாகும்.