காதி நீதிவான் நியமனம்

திருகோணமலை, மூர் வீதியைச் சேர்ந்த  மௌலவி ஏ.சி அப்துல் லத்திப் (நூரி),  நீதிச் சேவைகள் ஆணைக்குழுவால் காதி நீதவானாக   நியமிக்கப்பட்டுள்ளார்.

இவர்,  திருகோணமலை உயர்நீதிமன்ற நீதிவான் சூசைதாசன் முன்னிலையில், காதி நீதிவானாக  சத்தியப் பிரமாணம் செய்து கொண்டார்.

மௌலவி ஏ.சி அப்துல் லத்திப் (நூரி),  திருகோணமலை ஜம்இய்யத்துல் உலமா சபையின் முன்னால் செயலாளரும், திருகோணமலை ஸாஹிரா கல்லூரியின் ஆரம்பகால தலைவராகவும் செயற்பட்டுள்ளார்.

இவர், ஹனிபா மற்றும் உம்மு ஸலீமா ஆகியோரின் புதல்வர் என்பதோடு, ஐந்து பிள்ளைகளின் தந்தை என்பதும் குறிப்பிடத்தக்கது.

                                                                                                                                        எப். முபாரக்