கமலின் "விஸ்வரூபத்திற்கு" விடப்பட்ட "இடைவேளை"

A.P.Mathan / 2013 ஜனவரி 28 , மு.ப. 09:30 - 0 - {{hitsCtrl.values.hits}}

கமல்ஹாசன் பிரமாண்டமாக நடித்த "விஸ்வரூபம்" படம் தமிழகத்தின் மூலை முடுக்குகளில் எல்லாம் மிகுந்த எதிர்பார்ப்பை ஏற்படுத்தியிருந்த நேரம்... "எப்போது ரிலீஸாகும்" என்று பால் அபிஷேகம் பண்ண கமல் ரசிகர்கள் காத்திருந்த பொழுது, இஸ்லாமியர்களின் பெரும் போராட்டத்தால் அப்படத்திற்கு ஒரு சிறிய "இடைவேளை" தமிழகத்தில் விடப்பட்டுள்ளது. சென்னை உயர்நீதிமன்ற நீதிபதி வெங்கட்ராமன் "விஸ்வரூபம்" படத்தை பார்த்துள்ளார். நீதிமன்றத்தின் தீர்ப்பு எந்த திசையில் போனாலும் சரி, "விஸ்வரூபம்" படத்தின் திட்டமிடப்பட்ட ரிலீஸை தமிழகத்தில் எப்போதும் இல்லாத அளவிற்கு ஏற்பட்ட "முஸ்லிம் சமுதாயத்தின்" ஒன்றுமை தடுத்து நிறுத்தியிருக்கிறது. இஸ்லாமியர்களின் போராட்டத்திற்கு கிடைத்த வெற்றியாக முதலில் சென்னையில் இந்த படம் தடை செய்யப்பட்டது. பிறகு தமிழகத்தில் உள்ள அனைத்து மாவட்ட ஆட்சி தலைவர்களும் தடை செய்தார்கள்.

பக்கத்து மாநிலங்களான கேரளத்தில் இஸ்லாமியர்கள் சனத்தொகை அதிகம். ஆந்திரா, கர்நாடகம் போன்ற மாநிலங்களில் கூட ஓரளவு மக்கள் தொகை இருக்கிறது. சென்னைக்குப் பிறகு, ஆந்திர மாநிலம் ஹைதாராபாத், கர்நாடக மாநிலம் பெங்களூர் போன்ற இடங்களில் திரையிடப்பட்ட "விஸ்வரூபம்" திடீரென்று நிறுத்தி வைக்கப்பட்டது. தமிழக முஸ்லிம் தலைவர்கள் சென்னையில் நடத்திய போராட்டம் அந்த படத்தை தடை செய்வதற்கு தூண்டுகோலாக அமைந்தது. இது மட்டுமல்ல! ஏன் இலங்கை மற்றும் மலேசிய நாட்டில் கூட இப்படத்தின் ரிலீஸை நிறுத்தி வைப்பதற்கான உத்தரவுகள் போடுவதற்கு, தமிழக முஸ்லிம் தலைவர்களின் போராட்டம் அடிப்படை ஆதாரம் என்ற நிலை உருவாகியிருக்கிறது. இதற்கு முக்கிய காரணம் உண்டு. "80 சதவீதம் வாழும் மலேசியாவில் விஸ்வரூபம் தடைசெய்யப்படவில்லை. தமிழகத்தில் ஏன் இந்த தடை?" என்று சென்னை உயர்நீதிமன்றத்தின் முன்பு கமல்ஹாசன் வழக்கறிஞர் பி.எஸ்.ராமன் "சீரியஸாக" வாதாடினார். அந்த வாதத்தை கமல் வக்கீல் எடுத்து வைக்கக் கூடாது என்ற சூழ்நிலை இப்போது உருவாக்கப்பட்டு விட்டது. ஏனென்றால் மலேசியாவிலும் "விஸ்வரூபம்" படம் நிறுத்தி வைக்கப்பட்டுள்ளது. சென்னையிலுள்ள "இஸ்லாமிய அமைப்புகளிடம்" உள்ள கூட்டுறவு இந்த போராட்டத்தின் வாயிலாக பிரமாண்டமாக வெளிப்பட்டிருக்கிறது.

நீண்ட காலத்திற்கு பிறகு தமிழகத்தில் முஸ்லிம் சமுதாய அமைப்புகள் மத்தியில் ஏற்பட்டுள்ள இந்த ஒற்றுமை தமிழக அரசியல் கட்சிகளை மட்டுமின்றி, சட்டத்தை செயல்படுத்தும் இடத்தில் இருக்கும் ஆளுங்கட்சிக்கும், அரசு அதிகாரிகளுக்கும் ஆச்சரியத்தை கொடுத்திருக்கிறது. "நாங்கள் ஒற்றுமையாக இருந்தால் எதையும் சாதிப்போம். அரசாங்கமும் எங்கள் போராட்டத்திற்கு செவி மடுக்கும்" என்ற செய்தியை இஸ்லாமிய அமைப்புகள் தமிழகத்தில் மின்னல் வேகத்தில் பரப்பியிருக்கின்றன. இந்த ஒற்றுமை முன்பு மேற்கு தமிழக மாவட்டங்களின் "ராணியாக" இருக்கும் கோவை மாநகரத்தில் ஏற்பட்டது. அங்கு அதற்கு சமமாக இந்து அமைப்புகள் செல்வாக்குப் பெற்றிருந்தன. அதனால் இஸ்லாமிய அமைப்புகளும் ஒருங்கிணைந்து செயல்படுவதற்கு வாய்ப்பு கிட்டியது. இதனால், அப்போது இருந்த தி.மு.க. அரசு மீது "இஸ்லாமியர்களின் ஓட்டு வங்கி அரசியல் நடத்துகிறது" என்று குற்றச்சாட்டுகள் எல்லாம் கிளம்பியதுண்டு.

கோவையில் நிலவிய "இந்து- முஸ்லிம்" பிரச்சினையை சாதகமாக பயன்படுத்திக் கொண்ட தீவிரவாத அமைப்புகள் 1998 நாடாளுமன்ற தேர்தலுக்கு முன்பு கோவை மாநகரில் அமைதியைக் குலைத்தன. அங்கு நடைபெற்ற "தொடர் குண்டுவெடிப்புகள்" தமிழகத்தில் அதிர்வு அலைகளை உருவாக்கின. இதனால் சிதைந்துபோன "இந்து- முஸ்லிம் ஒற்றுமையை" கோவையில் உருவாக்க பல ரவுண்ட் அமைதிப் பேச்சுவார்த்தை நடத்தினார்கள். மெல்ல, மெல்ல அங்கே நல்லுறவு திரும்பி இப்போதுதான் இரு சமுதாயத்தினரும் கோவையில் அமைதியாக வாழ்ந்து வருகிறார்கள். பொலிஸாருடன் அங்குள்ள இரு சமுதாயத்தின் தலைவர்களுமே இந்த அமைதியைப் பேணிக் காக்க பாடுபட்டு வருகிறார்கள்.

இதுபோன்ற நேரத்தில் சென்னை மாநகரில் "இஸ்லாமிய அமைப்புகள்" நடத்திய பெரிய அளவிலான போராட்டங்களில் சில மாதங்களுக்கு முன்பு அமெரிக்க சினிமாவை எதிர்த்து நடைபெற்ற போராட்டம் குறிப்பிடத்தக்கது. முதலில் சென்னையிலுள்ள அமெரிக்க தூதரகம் முன்பு சிறு சிறு அமைப்புகள் போராட்டம் நடத்தின. அதற்கு ஏற்ற பலன் கிடைக்கவில்லை. பிறகு ஒருநாள் திடீரென்று அனைத்து இஸ்லாமிய அமைப்புகளும் இணைந்து களத்தில் குதித்து, சென்னை மாநகரில் பிரதான சாலையான அண்ணா சாலையை ஸ்தம்பிக்க வைத்தன. அங்கு இருக்கும் "அமெரிக்க தூதரகத்தின்" மீது முற்றுகை போராட்டத்தை நடத்தி பொலிஸை நிலை குலையச் செய்தன. அனைத்து அமைப்புகளும் திடீரென்று போராட்டத்தில் குதித்ததை எதிர்பாராத காவல்துறை, அவர்களை கட்டுப்பாட்டிற்குள் கொண்டுவர முடியாமல் தவித்தது. இந்த தாக்குதலை சற்றும் எதிர்பாராத அமெரிக்க தூதரக அதிகாரிகள் கூட "அமெரிக்க தூதரகத்தை சென்னையில் நிரந்தரமாக மூடி விடலாமா" என்றெல்லாம் அவசர ஆலோசனை நடத்தத் தொடங்கினார்கள். அவ்வளவு பெரிய போராட்டத்திற்கு, "பொலிஸ் பெயிலியர்" என்று காரணம் கூறி, அன்றைய தினம் சென்னை மாநகர பொலிஸ் கமிஷனராக இருந்த ஜே.கே. திரிபாதி உடனடியாக மாற்றப்பட்டார்.

அந்த போராட்டம் இஸ்லாமிய அமைப்புகளுக்கு வெற்றி என்ற அளவிலேயே முடிந்தது. குறிப்பாக அனைத்து அமைப்புகளும் ஒருங்கிணைந்து ஆர்பாட்டத்தில் இறங்கியதற்கு கிடைத்த மாபெரும் வெற்றி என்றே கருதப்பட்டது. அந்த போராட்டத்திற்குப் பிறகு, சென்னை மாநகரில் இஸ்லாமிய அமைப்புகளின் போராட்டங்கள், புகார்கள் என்றால் கொஞ்சம் ஜாக்கிரதையாக கையாள வேண்டும் என்ற எண்ணம் உயர் பொலிஸ் அதிகாரிகள் மனதிலேயே ஏற்பட்டிருக்கிறது என்றால் வியப்பேதுமில்லை. சமீபத்தில் வள்ளலார் பற்றிய துண்டு பிரசுரங்கள் வீசியது தொடர்பாகக் கூட இந்து முன்னணி அமைப்பிற்கும், இஸ்லாமிய அமைப்புகளுக்கும் சர்ச்சை வெடித்து, அது ஒருவாறாக சுமூகமாக முடிக்கப்பட்டது. அந்த வகையில், "ஒற்றுமையாக இருந்தால் எதையும் சாதிக்கலாம்" என்று இஸ்லாமிய அமைப்புகளுக்கு ஏற்பட்டிருக்கும் நம்பிக்கை, இப்போது "விஸ்வரூபம்" படம் விவகாரத்தில் அந்த அமைப்புகளுக்கு வெற்றியைக் கொடுத்துள்ளது. "எங்கள் மதத்தை தவறாக சித்தரிக்கும் காட்சிகள் அதில் இடம்பெற்றுள்ளன" என்று இஸ்லாமிய அமைப்புகள் போர்க்கொடி தூக்கின. முதலில் "அமெரிக்க தூதரக" எதிர்ப்பு போராட்டம் போலவே, சில அமைப்புகள் முதலில் களமிறங்கின. பிறகு மனிதநேய மக்கள் கட்சியின் தலைவர் ஜவஹிருல்லாவே தலைமையேற்று போராட்டம் நடத்தினார். ஆளும் அ.தி.மு.க. கூட்டணியில் இடம்பெற்றிருக்கும் இவர் போராட்டத்தில் குதித்தவுடன், அரசு அதிகாரிகள் அதுபற்றி சீரியஸ் ஆலோசனை நடத்தினார்கள். தமிழக முதல்வர் ஜெயலலிதாவே சட்டம்-ஒழுங்கு நிலைமை குறித்து ஆலோசனை நடத்தினார். அதில் தமிழக அட்வகேட் ஜெனரல் நவநீதகிருஷ்ணனும் முதல் முறையாக பங்கேற்றார். இதன் பின்னனியில், "விஸ்வரூபம்" பட ரிலீஸுக்கு சென்னையிலும், அதைத் தொடர்ந்து மற்ற தமிழக மாவட்டங்களிலும் தடை விதிக்கப்பட்டது.

"விஸ்வரூபம்" படக் கதையால், சர்ச்சை எழும் என்று கமல்ஹாசன் முன்கூட்டியே யோசித்திருக்க வேண்டும். அதனால்தான் என்னவோ, சென்சார் போர்டு சர்டிபிகேட் வழங்கிய பிறகும் கூட, அந்தப் படத்தின் காட்சிகளை தமிழகத்தில் உள்ள முஸ்லிம் அமைப்புகளின் நிர்வாகிகளுக்கு படம் திரைக்கு வரும் முன்பே போட்டுக் காண்பித்தார் கமல்ஹாசன். படத்தை பார்த்த இஸ்லாமிய தலைவர்கள் அன்றே "இந்தந்த காட்சிகளை கட் பண்ணுங்கள்" என்று கமல்ஹாசனிடம் சொல்லியிருக்கலாம். அப்படிக் கூறியிருந்தால், இதுபோன்ற ஆவேசப் போராட்டம், அவசரத் தடை போன்றவற்றிற்கு எல்லாம் அவசியம் ஏற்பட்டிருக்காது. ஆனால் அப்போது கருத்துச் சொல்லாத இஸ்லாமிய தலைவர்கள், பிறகு போராட்டத்தில் ஈடுபட்டார்கள் என்பதுதான் கமல் தரப்பின் சங்கடமாக இருக்கிறது. அதை வெளிப்படுத்தும் வகையில்தான், "நேரில் கை கொடுத்தவர்கள் முதுகில் குத்திவிட்டார்கள்" என்று பேட்டி கொடுத்திருக்கிறார் கமல்ஹாசன். ஆனாலும், பேச்சுவார்த்தைக்கு தயார் என்றே கமல் லேட்டஸ்டாக அறிவித்திருக்கிறார்.

இஸ்லாமிய அமைப்புகள் ஒற்றுமையுடன் போராடிய நிலையில், கமல்ஹாசனுக்கு ஆதரவாக தமிழக திரையுலகினர் கச்சை கட்டிக் கொண்டு ஒற்றுமையாக கிளம்பவில்லை. கர்நாடகத்திற்கும், தமிழகத்திற்கும் இடையே உள்ள காவிரி நதி நீர் பிரச்சினைக்காக திரையுலகத்தினர் ஒன்று சேர்ந்து போராடினார்கள். சமீபத்தில் கூட மத்திய அரசு தங்கள் தொழிலுக்கு விதித்த சேவை வரியை எதிர்த்து தமிழ் திரையுலகமே திரண்டு சென்னை வள்ளுவர் கோட்டத்தில் உண்ணாவிரதம் இருந்தது. ஆனால் தங்களின் கலைஞன் கமல்ஹாசனுக்காக தமிழ் திரையுலகம் உடனடியாக திரண்டு விடவில்லை. அரசியல் கட்சி தலைவர்கள் கருத்துச் சொன்ன பிறகே, சூப்பர் ஸ்டார் ரஜினி கூட வாய் திறந்தார். அப்போது கூட அவர் தடை பிறப்பித்த தமிழக அரசிடம் கோரிக்கை வைக்கவில்லை. அதற்கு மாறாக, இஸ்லாமிய சகோதரர்களிடம்தான் "போராட்டம் வேண்டாம், பேசி தீர்த்துக் கொள்ளலாம்" என்று வேண்டிக் கொண்டார். தென்னிந்திய நடிகர் சங்கத் தலைவராக இருக்கும் சரத்குமார் கடைசியில் அறிக்கை விட்டார். "முதல்வருக்கு இருக்கும் பல பணிகளுக்கு இடையில் இந்த விடயத்திலும் தலையிட்டு பேச்சுவார்த்தை நடத்தி பிரச்சினையை தீர்த்து வைக்க வேண்டும்" என்று வேண்டுகோள் விடுத்தார்.

தமிழகத்தின் முக்கிய மாவட்டங்களில் ஒன்றாக இருக்கும் கோவை மாநகரில் இஸ்லாமிய அமைப்புகள் முன்பு ஒற்றுமையாகப் போராடின. பிறகு திருநெல்வேலி, வேலூர் போன்ற மாவட்டங்களில் இந்த ஒற்றுமை தெரிந்தது. இப்போது சென்னை மாநகரில் இஸ்லாமிய அமைப்புகளிடம் "பிரமிக்கத்தக்க ஒற்றுமை" ஏற்பட்டிருக்கிறது. அதனால் கமல்ஹாசன் போன்றோரின் படத்தை தடை செய்யும் அளவிற்கு அவர்கள் நடத்திய போராட்டத்திற்கு மிகப்பெரும் சக்தியும் கிடைத்திருக்கிறது. இந்நிலையில், இந்து முன்னணி தலைவர் ராமகோபாலன் இந்த தடையை கடுமையாக எதிர்த்துள்ளார். அதேபோல் பாரதீய ஜனதா கட்சி (பா.ஜ.க) தலைவர் பொன்.ராதாகிருஷ்ணன் தடைக்கு எதிர்ப்பு தெரிவித்து, "விஸ்வரூபம் படத்தை உடனடியாக ரிலீஸ் பண்ண வேண்டும்" என்று கூறியிருக்கிறார். இது எல்லாம் எதிர்பார்க்கப்பட்டதே. ஏனென்றால் இஸ்லாமியர்கள் ஒரு கோரிக்கையை வைக்கும்போது அதை பெரும்பாலும் எதிர்த்து கருத்துச் சொல்வதே இந்து அமைப்புகள் மற்றும் பா.ஜ.க.போன்ற கட்சிகளின் நிலைப்பாடாக எப்போதும் இருக்கும்.

ஆனால் "விஸ்வரூபம்" படத்திற்கு திராவிட கழகத் தலைவர் வீரமணி, பாட்டாளி மக்கள் கட்சி தலைவர் ராமதாஸ் போன்றோர் வெளிப்படையாக ஆதரவு தெரிவித்துள்ளனர். முக்கிய அரசியல் கட்சியான திராவிட முன்னேற்றக் கழகமும் "பேச்சுவார்த்தை மூலம் தீர்வு காண வேண்டும்" என்று கருத்துக் கூறியுள்ளது. அரசியல் கட்சிகள் "விஸ்வரூபம்" படத்திற்கு ஆதரவு கொடுப்பது சற்று வித்தியாசமான சூழ்நிலை. அதுவும் இஸ்லாமியர் வாக்கு வங்கி பற்றி யோசிக்காமல் இந்த கருத்தைச் சொல்ல முன்வந்திருக்கிறார்கள் என்றால், "விஸ்வரூபம்" படத்திற்கு விதிக்கப்பட்ட தடையை எதிர்த்து தமிழகத்தில், குறிப்பாக சென்னையில் ஆரவாரமின்றி "மையம்" கொண்டிருக்கும் "பப்ளிக் ஒபீனியன்" தான் காரணம். "சட்டம்-ஒழுங்கை" நிலைநாட்டும் பொறுப்பில் உள்ள பொலிஸ் அதிகாரிகள், இவ்வளவு தூரம் அவசரப்பட்டு "விஸ்வரூபம்" படத்தை தடை செய்திருக்க வேண்டியதில்லை என்ற கருத்து தமிழக மக்கள் மத்தியிலும், குறிப்பாக சென்னை மக்கள் மத்தியிலும் அதி வேகமாக பரவி வருகிறது. இதை காலப்போக்கில் சென்னையில் உள்ள இந்து அமைப்புகள் கையிலெடுத்து போராட முயன்றால், அது எதிர்காலத்தில் சென்னை போன்ற மாநகரில் நிலவும் "இந்து- முஸ்லிம் ஒற்றுமைக்கு" பிரச்சினையை ஏற்படுத்தி விடக்கூடாது என்பதே இப்போது சீனியர் பொலிஸ் அதிகாரிகளின் கவலையாக இருக்கிறது.

Comments - 0

Faizar Tuesday, 29 January 2013 01:15 PM

இந்த படத்தில் சில பெயர்களையும் சில காட்சிகலையும் மாற்றுவதன் மூலம் இந்த படத்தை இலகுவாக வெளியிட முடியும். உதாரணமக முல்லா ஒமெர் என்பதை கமல் என்றும் பள்ளிவாசல்களை கோவில்களாகவும் குர் ஆனுக்கு பதில பகவத் கீதை அல்லது மடயர்கல்

Reply : 0 0

துலீப் Friday, 01 March 2013 07:01 PM

ரிசானா நபீக்கின் தலையை அறுத்தபோதும் பின்னிணியில் குர்ஆன் வசனங்களை ஒலிக்க விட்டார்கள்...!!!

Reply : 0 0

Mohammed Hiraz Monday, 04 February 2013 06:14 AM

காலி, சூலி எல்லாம் வன்முறையின் வடிவங்களே இல்லையா??? அப்படியெனில் அம்பும் வில்லும் ஈட்டியும் யுத்த கதை சிற்பங்களும் கோவிலின் கோபுரங்களை அலங்கரிக்கலாமா??? பாசிச புலிகள் மத்திய வங்கியை குண்டுவைத்து தகர்ததைவிட அனுராதபுர, பண்டாரநாயக விமான நிலையங்களை தகர்ததைவிட கொடுஞ்செயல் ஏதும் உண்டோ? புலிகள் தீவிரவாதம் செய்தால் எலிகள் ஆகிடுவார்களா???

Reply : 0 0

islamlk Thursday, 31 January 2013 05:57 PM

குமார் உண்மை என்று எதனை கூருகிறார்?" அத்துடன் எந்த கோவிலிலும் வன்முறை போதிக்கப்படுவதில்லை" என்ற வாசகத்தின் மூலம் கமல் எடுத்த விஷமரூபத்தில் பள்ளி வாயல்களில் வன்முறை போதிக்கப்படுவது போன்று சித்தரிப்பது உண்மை என்று சொல்கிறாரா? முழு முஸ்லிம் சமுதாயத்தையும் பயங்கரவதிகளாக சித்தரிப்பது உண்மை என்று சொல்கிறாரா? விடுதலை புலிகளுக்கும் மதத்திற்கும் எந்த சம்பந்தமுமில்லை என்றும் அத்துடன் எந்த கோவிலிலும் வன்முறை போதிக்கப்படுவதில்லை. அப்படி இருந்தால் ஆதாரத்துடன் வெளியிடலாம் என்றும் கூறும் நீங்கள் விஷம ரூபத்தில் சித்தரிப்பது உண்மை என்று ஆதாரம் காட்ட தயாரா?

Reply : 0 0

தமிழன் Thursday, 31 January 2013 07:19 AM

டிசம்பர் 21 உலகம் அழிந்திருந்தால் என் ஜாதிதான் பெருசு, என் மதம்தான் பெருசு என்ற பரச்சினையே வந்திருக்காது.

Reply : 0 0

nwsd Thursday, 31 January 2013 03:33 AM

உங்கள் பேச்சு இஸ்லாமிய சமுதாயத்தின் மீதான தப்பான அபிப்பிராயத்தை எடுத்துக் காட்டுகிறது.

Reply : 0 0

DJ Wednesday, 30 January 2013 11:21 AM

இவர் இந்த கட்டுரைய்யின்மூலம் என்ன சொல்ல வருகிறார் என்று புரியவில்லை? இந்துக்கள் ஏன் இதை பற்றி பேச வேண்டும்? இது அவர்களுக்கு எதிரான போராட்டம் இல்லையே? ஏன் வீணாக தலையை விடுகிறார்கள்? எங்கோ உதைக்குதே..

Reply : 0 0

DJ Wednesday, 30 January 2013 11:14 AM

இங்கு நிறைய புலிக்குட்டிகள் இருக்கிறார்கள்...

Reply : 0 0

aj Tuesday, 29 January 2013 03:10 PM

மிக கேவலமான சிந்தனைகள். இது இவர்களின் பிறவி குணம். கமலில் படம் பிழை என்பதை பலர் புரிந்து இருந்து தான் அவருக்கு ஆதரவாக இருக்கிறார்கள். இதை தடை செய்தால்? கோவில்களும் கீதையும் பயங்கரவதத்தை எங்கயும் சொல்லவும் இல்லை.. செய்யவும் இல்லை. ஆனால் உங்களுக்கு அழகு படம் பிரச்சினை என்றால் அதை புறகணிப்பு செய்வது அதைவிட்டு பிற மதத்தை இழுத்து தங்களில் சொறியை.... இதில் இருந்து தெரிகிறது இவர்களின் சிந்தனை.

Reply : 0 0

islamlk Monday, 28 January 2013 10:03 AM

இந்த படத்தில் சில பெயர்களையும் சில காட்சிகலையும் மாற்றுவதன் மூலம் இந்த படத்தை இலகுவாக வெளியிட முடியும். உதாரணமக முல்லா ஒமெர் என்பதை வே பிரபகரன் என்றும் பள்ளிவாசல்களை யாழ்ப்பாண கோவில்களாகவும் குர் ஆனுக்கு பதில பகவத் கீதை.

Reply : 0 0

muktar Tuesday, 29 January 2013 11:07 AM

சென்ற வருடம் நபிகள் நாயகத்தை கொச்சை படுத்தி யு தியூப படம் வெளிவந்த போது நடைபெற்ற மக்கள் போராட்டம் அதன் பின்பு ஏற்பட்ட விழிப்புணர்வு எல்லாமே கமல் மட்டுமல்ல எல்லோருமே அறிந்த விடயமே. கமல் கோடிக்கணக்கில் சம்பாதிக்க வித்தியாசமான கதைகளை தேர்ந்து ஜனரஞ்சகமான படமாக எடுத்திருக்கலாம். முஸ்லிம்களின் குரானை பாவித்து படம் எடுத்தது ஒரு முற்போக்கு கலைஞ்சனுக்கு அழகில்லை.மிகவும் கவலையாக உள்ளது.

Reply : 0 0

Honestian Tuesday, 29 January 2013 08:32 AM

Who is Mulla omer? is he god he is also terrosist. Wiswaroopam is only talking about the Taliban terrorist not the Muslim community......if any body agree that Taliban means Muslim community then this film is insulting the community......

Reply : 0 0

aj Tuesday, 29 January 2013 08:10 AM

உலக பயங்கரவாதிகள் பற்றி பேசினால் உள்ளூர் கடும்போக்கு மதவாதிகளுக்கு கோபம் வருவது ஏன்? முதலில் உலகும் முழுவதும் நடப்பதை பாருங்கள். பிறகு ஒரு முடிவுக்கு வரலாம். எங்கு பார்த்தாலும் பயங்கரவாத செயலுடன் இவர்கள் தான் இருக்கிறார்கள். ஆகா இவர்களை பற்றி மக்களுக்கு சொல்லாமல் வேறு யாரை சொல்லுவது. முதலில் தன்னுடைய பிழையை உணரவாத வரை அந்த இனம் இப்படியான நிகழ்வுகளை சந்திக்கவேண்டும். தன்னை திருந்துங்க பிறகு கொடி பிடிக்கலாம்.

Reply : 0 0

aj Tuesday, 29 January 2013 08:05 AM

ஹ ஹ ஹ ஹ ஹ உங்க முட்டாள் தனத்தின் வெளிப்பாடே இது. இவர்களின் கதைக்க கூட முடியாது என்பதை இவரின் கருத்துகள் தெளிவாக காட்டுகிறது. அந்த படம் முஸ்லிம் மக்களுக்கு எதிராக இல்லை. தலிபான். அல்கைத போன்ற முஸ்லிம் பயங்கரவாத குழுக்களின் கொலைவெறி சொல்லும் படமே அது. ஆகா இவர்கள் தலிபானுக்கு குஜா தூக்குவது தனக்கு தானே மண்ணை அள்ளி போட்டு கொள்ளும் செயல். அதை விட இந்த தகிவ் அமைப்புகள் இங்கு இருக்கும் முஸ்லிம் மக்களை பிழையாக வழிநடத்துகிறது என்பது தெளிவாக தெரிகிறது. தீவிரத்தை பற்றி பேசினால் ஏன் இவர்களுக்கு இவ்வளவு கோபம்? இலங்கை முஸ்லிம்கள் பிழையாக வழிநடதபடுவது அண்மைய காலமாக தெளிவாக தெரிகிறது. சகிப்பு தன்மை அற்ற ஒரு இனமாக இவர்களை பார்க்கமுடிகிறது. அதை விட படம் நிச்சயம் வெளியே வரும். மக்களும் பார்ப்பார்கள். இப்படியன் செயல்பாடுகள் மேலும் மத்த இன மக்களுக்கு எரிச்சலை ஏற்படுத்துமே தவிர வேறு எதுமே இவர்கள் இதில் சாதிக்கவில்லை.

Reply : 0 0

குமார் Tuesday, 29 January 2013 07:06 AM

சிலருக்கு உண்மையை ஒத்துக்கொள்ள முடிவதில்லை . விடுதலை புலிகளுக்கும் மதத்திற்கும் எந்த சம்பந்தமுமில்லை. அத்துடன் எந்த கோவிலிலும் வன்முறை போதிக்கப்படுவதில்லை. அப்படி இருந்தால் ஆதாரத்துடன் வெளியிடலாம். அதை விடுத்து முழு பூசணிக்காயை சோற்றில் மறைப்பது போன்ற செயல்களில் ஈடுபடுவதால் எந்த நன்மையும் ஏற்படபோவதில்லை

Reply : 0 0

Sam Tuesday, 29 January 2013 12:27 AM

விடுதலை வீரர்களுக்கும் பயங்கர வாதிகளுக்கும் வித்தியாசம் காணமுடியாத அறிவிலிகள். முஸ்லிம்கள் வெளிநாடுகள் எல்லாவற்றிலும் குற்றச்செயல்களில் ஈடுபடுபவர்கள். அவுஸ்திரேலியாவில் கொள்ளை, கற்பழிப்பு, போதைப்பொருள் பாவிப்பு, கடத்தல், கொலை முழுவதிலும் ஈடுபடுவது அவர்கள்தான். பொலிஸ் நிலையங்களும், நீதிமன்றங்களும் முஸ்லிம்களின் வழக்குகளை நடத்தவே நேரம் செலவு செய்கின்றன. மத நூலில் யாரோ சொல்லிப்போடுப் போய்விட்டான் என்ற காரணத்தினால் முஸ்லிம் அல்லாதவர்களைக் கொன்று ஒழிப்பவர்கள். இந்திய சுதந்திரப்போராட்டத்தில் வெள்ளையர்களுக்கு எதிரான போராட்டத்தில் தீவிரமாகப் பங்கேற்காமல், சுதந்திரம் கிடைத்த பின்னர் பங்கு கேட்டவர்கள். உள்நாட்டில் விழும் உயிர்ப்பலிகளைப் பார்த்து சந்தோசம் கொள்ளுவார்கள், ஆனால் எங்கோ மூலையில் யாரோ முஸ்லிம் இறந்தால் கொடி பிடிக்கும் நன்றி கெட்டவர்கள். தலிபான் உலகம் அறிந்த பயங்கரவாதிகள். 'பயங்கரவாதி' என்றாலே உடனேயே ஞாபகம் வருவது இவர்களைத்தான்.

Reply : 0 0

ஹைதர் அலி Monday, 28 January 2013 11:28 AM

பதிவை வாசித்தேன்... சில விடயங்களோடு மற்ற சில விடயங்களை சம்பந்தம் இல்லாமல் கோர்த்து விட்டு இருக்கிறீர்கள்/// இந்த ஒற்றுமை முன்பு மேற்கு தமிழக மாவட்டங்களின் "ராணியாக" இருக்கும் கோவை மாநகரத்தில் ஏற்பட்டது. அங்கு அதற்கு சமமாக இந்து அமைப்புகள் செல்வாக்குப் பெற்றிருந்தன. அதனால் இஸ்லாமிய அமைப்புகளும் ஒருங்கிணைந்து செயல்படுவதற்கு வாய்ப்பு கிட்டியது//// இது மிகவும் அபத்தமாக படுகிறது நண்பரே...

கோவையில் எந்த அமைப்பும் ஓன்றுசேரவில்லை இன்னும் சொல்லப் போனால் அந்த குண்டுவெடிப்பை அனைத்து இஸ்லாமிய அமைப்புகளும் எதிர்த்தன. காட்டுமிராண்டித்தனம் என்று அறிக்கை விட்டன. கோவையில் புதிதாய் முளைத்த இன்று தடைசெய்யப்பட்டுள்ள ஓரே ஒரு அமைப்பு தான் பிரச்சனைக்கு காரணம் மற்றபடி அனைத்து இயங்கங்களும் ஒன்று சேரவில்லை என்பதுதான் உண்மை.

கட்டுரை பகிர்வுக்கு நன்றி

Reply : 0 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .