2 நாள்கள் பணிப்பகிஷ்கரிப்புக்கு தயாராகும் பல்கலைக்கழக தொழிற்சங்கம்

பல்கலைக்கழக சமூகத்தில் ஏற்பட்டுள்ள  ஓய்வூதிக் கொடுப்பனவு தொடர்பான பிரச்சினையை  நீக்குவதற்கு, நடவடிக்கை எடுக்கப்படாமையால், இந்த மாதம் 5ஆம் திகதி நள்ளிரவிலிருந்து 48 மணிநேர பணிப்பகிஷ்கரிப்பை முன்னெடுக்கவுள்ளதாக, பல்கலைக்கழக தொழிற்சங்கம் தெரிவித்துள்ளது.

குறித்த பிரச்சினையை ஒரு மாதத்துக்குள் தீர்ப்பதாக, உயர்கல்வி அமைச்சு உள்ளிட்ட அதிகாரிகள் வாக்குறுதியளித்திருந்தாலும் குறித்த வாக்குறுதிகள் இதுவரை நிறைவேற்றப்படவில்லை என தொழிற்சங்க பிரதிநிதிகள் தெரிவிக்கின்றனர்.

எனவே, உயர்கல்வி அமைச்சின் அதிகாரிகளின் செயற்பாட்டுக்கு எதிர்ப்பு தெரிவித்து, இரண்டு நாள் பணிப்பகிஷ்கரிப்பில் ஈடுபடவுள்ளதாகவும் தெரிவித்துள்ளனர்.