374 இலங்கையர்கள் நாடு திரும்பினர்

வெளிநாடுகளில் தங்கியிருந்த மேலும் 374 இலங்கையர்கள் கட்டுநாயக்க பண்டாரநாயக்க சர்வதேச விமான நிலையத்தின் ஊடாக நாடு திரும்பியுள்ளனர்.

ஐக்கிய அரபு ராச்சியத்தில் இருந்து 74 பேருடன் ஈ.கே-648 என்ற விமானம் நேற்று (06) இரவு 11.20 மணியளவில் நாட்டை வந்தடைந்துள்ளது.

பின்னர் மாலைதீவில் இருந்து யு.எல்-104 என்ற விமானத்தில் இரவு 11.45 மணியளவில் 10 பேர் நாடு திரும்பினர்.

அத்துடன், தென்கொரியாவில் இருந்து 285 பேர் இன்று (07) அதிகாலை 3.15 மணியளவில் கட்டுநாயக்க விமான நிலையத்தை வந்தடைந்துள்ளனர்.

நாட்டை வந்தடைந்தவர்களுக்கு PCR பரிசோதனை முன்னெடுக்கப்பட்டுள்ளதுடன், தனிமைப்படுத்த நடவடிக்கை மேற்கொள்ளப்பட்டுள்ளது.