‘அரசாங்கத்தை இலகுவில் கையளிக்கமாட்டோம்’

அரசாங்கத்தை இலகுவில் கையளிக்கமாட்டோம்  எனத் தெரிவித்துள்ள, அமைச்சர் லக்‌ஷ்மன் கிரியெல்ல இன்னும் 6 வருடங்களுக்கு நாட்டை ஆட்சி செய்யும் அதிகாரத்தை ஐக்கிய தேசியக் கட்சியே வைத்துக்கொள்ளும் என்றும் தெரிவித்தார்.

இன்னும் 6 வருடங்களுக்கு அரசாங்கம் முன்வைத்துள்ள அபிவிருத்தி நடவடிக்கைகள் முன்னோக்கிக் கொண்டு செல்லப்படும் என்றும் அமைச்சர் லக்‌ஷ்மன் கிரியெல்ல தெரிவித்தார்.

மொட்டின் ஜனாதிபதி வேட்பாளரைத் தெரிவு செய்வதற்கு, 6 ராஜபக்‌ஷக்கள் இணைந்திருப்பதாகத் தெரிவித்த அவர், ஐக்கிய தேசியக் கட்சியில் இவ்வாறானதொரு நடவடிக்கை இல்லை என்றும் தெரிவித்தார்.

வெற்றிப்பெறும் ஒருவரையே ஜனாதிபதி வேட்பாளராக தெரிவு செய்யவுள்ளதுடன், இதற்காக ஐ.தே.கட்சியின் வாக்குகள் மட்டுமல்ல வடக்கு, கிழக்கின் வாக்குகளையும் பெற வேண்டும் எனத் தெரிவித்தார்.

கண்டியில் நேற்று இடம்பெற்ற நிகழ்வொன்றில் கலந்துக்கொண்டப் போதே, அவர் மேற்கண்டவாறு தெரிவித்தார்.