இந்தியப் பிரஜை கைது

அறியப்படாத போதைப்பொருள் மற்றும் ஒரு வகை எண்ணெய் வகை என்பவற்றை தம்வசம் வைத்திருந்த குற்றச்சாட்டில், பொலன்னறுவை-கந்துருவெல பஸ் தரிப்பிடத்தில் வைத்து, இந்தியப் பிரஜையொருவர் நேற்று இரவு (18) கைது செய்யப்பட்டுள்ளார்.

சுற்றுலா விசாவில் இலங்கைக்கு வருகைத்தந்திருந்த, பெங்களூர் பகுதியைச் சேர்ந்த, 35 வயதுடைய நபரே இவ்வாறு கைது செய்யப்பட்டுள்ளார்.

கைது செய்யப்பட்ட இந்தியப் பிரஜையை, பொலன்னறுவை நீதவான் நீதிமன்றில்  இன்று (19) முன்னிலைப்படுத்த பொலிஸார் நடவடிக்கை எடுத்துள்ளனர்.