இரசாயனம் கலந்த தேயிலைத்தூள் மீட்பு

புளத்சிங்கள பொலிஸ் பிரிவுக்குட்பட்ட,  மஹகம  பகுதியில் அமைந்துள்ள தேயிலை தொழிற்சாலை ஒன்றை நேற்று (12) சுற்றிவளைத்த பொலிஸார், அங்கிருந்து இரசாயனம் கலந்ததாக தெரிவிக்கப்படும் ஒருதொகை தேயிலைத் தூளை மீட்டுள்ளனர்.

பொலிஸாருக்கு கிடைக்கப்பெற்ற இரகசிய தகவலையடுத்து, இந்த சுற்றிவளைப்பு மேற்கொள்ளப்பட்டுள்ளது.

 குறித்த தொழிற்சாலையிலிருந்து, 178 கிலோ 400 கிராம் தேயிலைத் தூள் மீட்கப்பட்டுள்ளதுடன், பரிசோதனை மேற்கொள்வதற்காக அவற்றின் மாதிரி, தேயிலை சபைக்கு அனுப்பிவைக்கப்பட்டுள்ளதாக, புளத்சிங்கள பொலிஸார் தெரிவித்தனர்.