ஒன்றிணைந்த எதிரணியின் Top 10 பட்டியலில் தலதா அத்துகோரல

ஜனனி ஞானசேகரன்

அரசாங்கத்தில் அங்கம் வகிக்கும்  ஊழல் குற்றச்சாட்டில் சிக்கியுள்ள Top 10 அரசியல்வாதிகளின் பெயர் பட்டியலில் நான்காவதாக, வெளிநாட்டு தொழில்வாய்ப்பு அமைச்சர் தலதா அத்துகோரலவுக்கு எதிராக இலஞ்ச ஊழல் விசாரணை ஆணைக்குழுவிடம் முறைப்பாடொன்றைப் பதிவுசெய்துள்ளதாக, ஒன்றிணைந்த எதிர்க்கட்சியின் நாடாளுடனற் உறுப்பினர் மஹிந்தானந்தா அளுத்கமகே தெரிவித்தார்.

பொரளையில் நேற்று (07) இடம்பெற்ற ஊடகவியலாளர் சந்திப்பிலேயே அவர் இவ்வாறு தெரிவித்தார்.அவர் தொடர்ந்து கருத்துத் தெரிவிக்கையில்,

"கூட்டு எதிரணியினால் அறிமுகப்படுத்தப்பட்ட  Top 10 பெயர் பட்டியலில் முதலாவதாக காணப்படும் பிரதமர் ரணில் விக்கிரமசிங்க மீது இலஞ்ச ஊழல் விசாரணை ஆணைக்குழுவில் முறைபாடு ஒன்றை பதிவுசெய்தோம். ஆனால், இதுவரை அம்முறைபாடு தொடர்பில் எவ்வித விசாரணைகளும் முன்னெடுக்கப்படவில்லை. எது எவ்வாறாயினும் இந்தத் திட்டம் ஒருபோதும் கைவிடப்படமாட்டாது" என்றார்.

இதேவேளை, "நல்லாட்சி அரசாங்கத்தின் ஊழல் தொடர்பான குற்றச்சாட்டுக்களைப்  பதிவுசெய்வதற்காக  www.yahapalanatop10.com என்ற வலைத்தளம் ஒன்று, ஒன்றிணைந்த எதிர்க்கட்சியினால் நேற்று ஆரம்பிக்கப்பட்டமை குறிப்பிடத்தக்கது.