’ஜனாதிபதியின் தீர்மானத்தை மீள்பரிசோதனை செய்யவும்’

போதைப்பொருள் பாவனையாளர்கள் என்று குற்றஞ்சாட்டப்பட்டவர்களுக்கு மரணதண்டனையை நிறைவேற்றுவதற்கு, ஜனாதிபதி எடுத்துள்ள தீர்மானத்தை அவர் மீள்பரிசோதனை செய்யவேண்டும் என, மலையக மக்கள் முன்னணியின் தலைவரும் தமிழ் முற்போக்கு கூட்டணியின் பிரதி தலைவரும் விசேட பிரதேசங்களுக்கான அபிவிருத்தி அமைச்சருமான வேலுசாமி இராதாகிருஸ்ணன் தெரிவித்துள்ளார்.

உயிர்த்த ஞாயிறு தினத் தாக்குதலுக்கு பின்னர், சர்வதேசத்தின் கவனம், இலங்கைப் பக்கம் திரும்பியுள்ள இந்த வேலையில், மரணதண்டனையை அமுல்படுத்துவது தொடர்பாக ஜனாதிபதி எடுத்துள்ள முடிவு, நாட்டுக்கு பாதகமான விளைவுகளையே ஏற்படுத்தும் என்று அவர் தெரிவித்துள்ளார்.