ஞாயிறன்று சபை கூடும்

ஞாயிற்றுக்கிழமை 10 ஆம் திகதி நடைபெறவுள்ள, பெறுமதி சேர் வரி (வற்) திருத்தச் சட்டமூலம் மீதான விவாதத்துக்கு பாராளுமன்றம், செவ்வாய்க்கிழமை (05) அங்கீகாரம் வழங்கியது.

நிலையியற் கட்டளையின் பிரகாரம் ஞாயிற்றுக்கிழமைகளில் பாராளுமன்றத்தை கூட்ட முடியாது. அப்படியானால், நிலையான உத்தரவுகளை நிறுத்தி வைக்க வேண்டும்.

இந்த விவாதத்திற்காக, சபையின் கூட்டத்திற்கான நிலையியற் கட்டளைகளை இடைநிறுத்துவதற்கு பாராளுமன்றம் அங்கீகரித்துள்ளது. நிலையியற் கட்டளைகளை இடைநிறுத்துவதற்கான பிரேரணை சபைத் தலைவர் அமைச்சர் கலாநிதி சுசில் பிரேமஜயந்தவினால்  பாராளுமன்றத்தில் செவ்வாய்க்கிழமை (05)  சமர்ப்பிக்கப்பட்டது.

இதன் ​அடிப்படையில், ஞாயிறுக்கிழமை (10) காலை 9.30 மணி முதல் மாலை 4.30 மணி வரை பாராளுமன்றம் கூடும்.

இதற்கு முன்னதாக எதிர்வரும் ஞாயிற்றுக்கிழமை 10ஆம் திகதி வற் திருத்தச் சட்டமூலம் மீதான விவாதத்தை நடத்துவதற்கு பாராளுமன்ற விவகாரங்களுக்கான குழுவின் அங்கீகாரமும் கிடைத்துள்ளது.