தனிமைப்படுத்தலிலிருந்து தலைமறைவானவர் சிக்கினார்

கொரோனா தொற்றாளர் ஒருவர் கண்டுபிடிக்கப்பட்டதையடுத்து முடக்கப்பட்ட அக்குறணை பிரதேசத்திலிருந்து தப்பிச் சென்று,  மாவத்தகம- பரஹாதெனிய பிரதேசத்தில் மறைந்திருந்த நபர் ஒருவர் மாவத்தகம சுகாதார பரிசோதகர்கள், மாவத்தகம பொலிஸாரால் கைதுசெய்யப்பட்டுள்ளார்.

சந்தேகத்துக்குரிய நபரொருவர் பரஹாதெனிய பிரதேச வீடொன்றில் தங்கியிருப்பதாக சுகாதார பரிசோதகர்களுக்கு கிடைத்த தகவலுக்கு அமையவே, இவர் கைதுசெய்யப்பட்டுள்ளார்.

அக்குறணை- கரகொட பிரதேசத்தைச் சேர்ந்த 32 வயதுடைய நபரே கைதுசெய்யப்பட்டுள்ளதுடன், தனது மனைவி, பிள்ளைகள் பசியுடன் இருப்பதாக போலித் தகவல்களை தெரிவித்து?, குருகொட பிரதேச கிராம உத்தியோகத்தர் ஊடாக அலவத்துகொட பிரதேச செயலாளர், பொலிஸாரிடம் அனுமதிப் பெற்று இவ்வாறு மறைந்திருந்ததாக தகவல்கள் தெரிவித்துள்ளன.