தாக்குதல் சம்பவம்; கொழும்பு பல்கலை மாணவர்கள் 12 ​பேர் கைது

நேற்று முன்தினம் (8) கொழும்பு பல்கலைக்கழக வளாகத்தில் இரு மாணவக்குழுக்களிடையே இடம்பெற்ற மோதல் சம்பவத்துடன் தொடர்புடைய 12 மாணவர்கள் இன்று கருவாத்தோட்ட பொலிஸாரால் கைதுசெய்யப்பட்டுள்ளதாக பொலிஸ் ஊடகப் பிரிவு தெரிவித்துள்ளது.

குறித்த தாக்குதல் சம்பவத்தில் 2 மாணவர்கள் காயமடைந்து, தேசிய வைத்தியசாலையில் அனுமதிக்கப்பட்டுள்ளதாகவும் பொலிஸார் தெரிவித்தனர்.

கைதுசெய்யப்பட்ட மாணவர்களை நாளைய தினம் இலக்கம் 01 புதுக்கடை நீதவான் நீதிமன்றில் ஆஜர்படுத்தவுள்ளதாகவும் தெரிவிக்கப்பட்டுள்ளது.