திவுலுப்பிட்டி பிரதேசத்தில் பெண்ணொருவர் கொலை

திவுலுப்பிட்டி பிரதேசத்தில் உள்ள வீடொன்றில் பெண்ணொருவர் மர்மமான முறையில் கொலை செய்யப்பட்டுள்ள சம்பவமொன்று நேற்று (06) இடம்பெற்றுள்ளது.

குறித்த பெண்ணின் கணவர் வீடு திரும்பும் வேளையில் வீட்டின் பின்கதவால் உள்நுழைகையில், அவரது மனைவி வெட்டுக்காயங்களுடன் கொலை செய்யப்பட்ட நிலையில் சடலமாகக் காணப்பட்டதை கண்டு, உடனடியாகப் பொலிஸாருக்கு தகவல் வழங்கியுள்ளார்.

சம்பவத்தில் உயிரிழந்த பெண் 42 வயதுடையவரெனத் தெரிவித்தப் பொலிஸார் இது தொடர்பான மேலதிக விசாரணைகளை முன்னெடுத்து வருவதாகவும் தெரிவித்தனர்.