நாளையிலிருந்து ஒருநாள் சேவைகள் ஆரம்பம்

கணினி கட்டமைப்பில் ஏற்பட்ட கோளாறு காரணமாக, 5ஆம் திகதியிலிருந்து நிறுத்தி வைக்கப்பட்டிருந்த, அடையாள அட்டை வழங்கும் ஒருநாள் சேவை, மீண்டும் நாளையிலிருந்து ஆரம்பிக்கப்படுமென ஆட்பதிவு திணைக்களம் தெரிவித்துள்ளது.

 கடந்த 2 நாள்களாக ஒரு நாள் சேவைகள் இடைநிறுத்தப்பட்டிருந்ததாகவும் , ஒருநாள் சேவைக்காக பணம் வழங்கியவர்களுக்கு, சாதாரண கட்டணங்களின் கீழ் நாளைய தினம் அடையாள அட்டைகள் வழங்கப்படுமென்றும் திணைக்களம் தெரிவித்துள்ளது.

அத்துடன் அடையாள அட்டைகளைப் பெறுவதற்காக, குறித்த 2 நாள்களிலும் விண்ணப்பங்களை கையளித்தவர்களுக்கு இலவசமாக அடையாள அட்டை வழங்கப்படுமென, ஆட்பதிவு திணைக்களத்தின் ஆணையாளர் வியானி குணதிலக தெரிவித்துள்ளார்.

குறித்த 2 நாள்களிலும் 2000 விண்ணப்பங்கள் கையளிக்கப்பட்டிருந்ததாகவும் தெரிவிக்கப்பட்டுள்ளது.