நீர் விநியோகத்தில் சிக்கல்

தற்போது நாட்டில் நிலவும் கடுமையான வெப்பம் மற்றும் பண்டிகை காலம் காரணமாக நீரின் பயன்பாட்டில் கணிசமான அதிகரிப்பு ஏற்பட்டுள்ளமையானது,  நீர் விநியோகத்தில் சிக்கலை ஏற்படுத்தியுள்ளது என தேசிய நீர் வழங்கல் மற்றும் வடிகால் அமைப்புச் சபை தெரிவித்துள்ளது.

தற்போதைய சூழ்நிலை காரணமாக, 24 மணிநேரமும் நீரை வழங்க முடியாத நிலை ஏற்பட்டுள்ளதென சபை தெரிவித்துள்ளதுடன், இதன் காரணமாக உயரமான பிரதேசங்களில் பகுதிகளில் வசிப்பவர்களுக்கு குறைந்தளவு நீரே விநியோகிக்கப்படுவதாகத் தெரிவிக்கப்பட்டுள்ளது.

எனவே கடுமையாக பாதிக்கப்பட்ட பகுதிகளிலுள்ள மக்களுக்கு நீரை விநியோகிப்பதற்காக, ஏனைய பிரதேசங்களிலுள்ளவர்கள் நீரை சிக்கனமாகப் பயன்படுத்துமாறும் நீர்வழங்கல் மற்றும் வடிகாலமைப்புச் சபை வேண்டுகோள் விடுத்துள்ளது.