பாடசாலைகள் தொடர்பான ஆய்வறிக்கை வெளியீடு

ப. பிறின்சியா டிக்சி

இலங்கையிலுள்ள பாடசாலைகளின் எண்ணிக்கை 10,973 ஆகும். இதில், ஆரம்பப் பாடசாலைகளின் எண்ணிக்கை 3,559 ஆகும் என்று முகாமைத்துவப் பட்டப்பின்படிப்பு நிறுவனத்தின் ஆய்வுப் பிரிவு மேற்கொண்ட ஆய்வறிக்கையிலே சுட்டிக்காட்டப்பட்டுள்ளது.

இந்த ஆய்வறிக்கையின் முதல் பிரதியை, முகாமைத்துவ பட்டப்பின்படிப்பு நிறுவனத்தின் பணிப்பாளர் பேராசிரியர் அஜந்த எஸ். தர்மசிறியினால் வெளியிடப்பட, கல்வி அமைச்சின் செயலாளர் சுனில் ஹெட்டியாராச்சியினால் ஏற்றுக்கொள்ளப்பட்டது.

இந்த வைபவம், முகாமைத்துவ பட்டப்பின்படிப்பு நிறுவகத்தில் நேற்றுச் செவ்வாய்க்கிழமை (29) மாலை 3 மணிக்கு நடைபெற்றது.

குறித்த ஆய்வறிக்கையில் மேலும் தெரிவிக்கப்பட்டுள்ளதாவது,  

இலங்கையிலுள்ள பாடசாலைகளின் எண்ணிக்கை 10,973 ஆகும். இதில், தனியார் மற்றும் விசேட பாடசாலைகள் 103 உள்ளன. ஆரம்பப் பாடசாலைகளின் எண்ணிக்கை 3,559 ஆகும்.  

இந்தப் பாடசாலைகளில் எல்லாம் மொத்தமாக 43 இலட்சம் மாணவர்கள் பயிலுகின்றனர். 249,024 ஆசிரியர்கள் கடமையாற்றுகின்றனர் என்றும் தெரிவிக்கப்பட்டுள்ளது.