வாகன விபத்தில் 9 வயது சிறுமி பலி

கலேவெல - கெக்கிராவ வீதியில், பல்பெதியாவ பிரதேசத்தில் இடம்பெற்ற வாகன விபத்தில் 9 வயது சிறுமி பலியாகியுள்ளார். முச்சக்கரவண்டி, எதிர்த் திசையில் வந்த சிறிய ரக லொறி ஒன்றில் மோதியதால் ஏற்பட்ட விபத்திலேயே குறித்த சிறுமி உயிரிழந்துள்ளார்.

முச்சக்கர வண்டியில் பயணித்த 3 சிறுமிகள் காயமடைந்த நிலையில், வைத்தியசாலையில் அனுமதிக்கப்பட்ட போது ஒரு சிறுமி உயிரிழந்துள்ளதாக பொலிஸார் தெரிவித்தனர். தேவஹுவ பிரதேசத்தைச் சேர்ந்த சிறுமியே உயிரிழந்துள்ளதாக பொலிஸார் மேலும் கூறினர்.