வடக்குக்கான ரயில் சேவைகள் இரத்து

வடக்குக்கான இரவு பிரதான ரயில் சேவைகள் நான்கும் இரத்து செய்யப்பட்டுள்ளதாக ரயில்வே திணைக்கள கட்டுப்பாட்டறை அறிவித்துள்ளது.

கொழும்பு கோட்டையிலிருந்து காங்கேசன்துறைக்கு இன்றிரவு 8.30க்கு புறப்படும் ரயில், தலைமன்னாரிலிருந்து கொழும்பு கோட்டையை நோக்கி இன்றிரவு 9.30க்கு புறப்படும் ரயில், உள்ளிட்ட நான்கு சேவைகளே இரத்துசெய்யப்பட்டுள்ளன.

வடக்கு ரயில் தண்டவாளத்தில் தம்புத்தேகம ரயில் நிலையத்துக்கு அண்மையில், ரயிலொன்று இன்றுக்காலை தடம்புரண்டது.

தடம்புரண்ட ரயிலை தடத்தில் நிறுத்துவதற்கு தாமதம் ஏற்பட்டுள்ளதையடுத்தே இந்த ரயில்சேவைகள் இரத்துசெய்யப்பட்டுள்ளன என்று கட்டுப்பாட்டறை அறிவித்துள்ளது.