வவுனியாவில் ஆர்ப்பாட்டப் பேரணி

-க. அகரன்

இராணுவத்தின் ஏற்பாட்டில் வவுனியாவில்  இடம்பெறவுள்ள களியாட்ட நிகழ்வுக்கு எதிர்ப்புத் தெரிவித்து, காணாமல் ஆக்கபட்ட உறவினர்களால், வவுனியா வீதி அபிவிருத்தி திணைக்களத்துக்கு முன்னால், இன்று, ஆர்ப்பாட்டப் பேரணியொன்று முன்னெடுக்கப்பட்டது.

தொடர்ந்து 868 நாட்களாக  போராட்டம் மேற்கொண்டு வரும் காணாமல் ஆக்கப்பட்டவர்களின் உறவினர்களாலேயே, குறித்த ஆர்ப்பாட்டப் பேரணி முன்னெடுக்கப்பட்டது.

காலை 10.30 மணியளவில் வவுனியா கந்தசாமி கோவிலில், தேங்காய் உடைத்து விசேட வழிபாடுகளை மேற்கொண்ட காணாமல் ஆக்கபட்டவர்களின் உறவினர்கள்,  கந்தசாமி கோவில் வீதி வழியாக மணிக்கூட்டு கோபுர சந்தியை அடைந்து, அங்கிருந்து கண்டி வீதி வழியாக  தொடர் போராட்டம் மேற்கொள்ளும் இடத்தை சென்றடைந்தனர்.