வெசாக் பார்க்க சென்ற இளைஞனுக்கு காதலால் விபரீதம்

கிராண்ட்பாஸ் பொலிஸ் பிரிவிற்குட்பட்ட ஒருகொடவத்தை , பேஸ்லைன் வீதியில் பண்டாரநாயக்க சுற்றுவட்டத்திற்கு அருகில் வைத்து கூரிய ஆயுதத்தால் தாக்கப்பட்டதில் இளைஞர் ஒருவர் உயிரிழந்துள்ளார்.

பேலியகொட, நெல்லிகஹவத்த பகுதியைச் சேர்ந்த டி . லுக்ஷான் என்ற 22 வயதுடைய இளைஞனே இவ்வாறு உயிரிழந்துள்ளார்.

குறித்த இளைஞன் தனது நண்பர்களுடன் வெசாக்கை  பார்வையிடுவதற்காக ஒருகொடவத்தை வீதிக்கு சென்று கொண்டிருந்த போது , காதல் உறவின் அடிப்படையில் ஏற்பட்ட தகராறில் சிலர் அவரை தாக்கியதாக தெரிவிக்கப்படுகிறது.

இந்தக் கொலைச் சம்பவம் தொடர்பில்  வெல்லம்பிட்டிய பகுதியை சேர்ந்த 17 மற்றும் 18 வயதுடைய மூவர் கைது செய்யப்பட்டுள்ளதாகவும் ,  விசாரணைகளை மேற்கொண்டு வருவதாகவும் பொலிஸார் தெரிவித்துள்ளனர் .