ஹோட்டலில் கத்திக்குத்து: சந்தேகநபர் தப்பியோட்டம்

ஹோட்டலில் இருந்தவரை கத்தியால் குத்திக்கொலை செய்துவிட்டு சந்தேகநபர் தப்பிச்சென்ற சம்பவம், மினுவாங்கொடை பகுதியில்  இன்று புதன்கிழமை (07), அதிகாலை 12.10க்கு இடம்பெற்றுள்ளது.

சம்பவத்தில் உயிரிழந்தவர், மினுவாங்கொடைப் பகுதியைச் சேர்ந்த 28 வயதான, இசுறு ஜனித் கொடிதுவக்கு என்பவர் எனப் பொலிஸார் தெரிவித்தனர்.

கொலைக்கான காரணம் இன்னமும் கண்டறியப்படாத நிலையில், கொலைச் சம்பவத்துடன் தொடர்புடைய சந்தேகநபரைப் பொலிஸார் இனங்கண்டுள்ளதுடன், அவர் அப்பகுதியை விட்டுத் தப்பிச்சென்றுள்ளதாகவும் சந்தேகநபரைக் கைதுசெய்வதற்கான நடவடிக்கையினைப் பொலிஸார் முன்னெடுத்துவருவதாகவும் தெரியவந்துள்ளது.