ஒரு கிலோகிராம் கஞ்சாவுடன் பெண் கைது

தீசான் அஹமட்

திருகோணமலை, கந்தளாவ யுனிட் - 16 பகுதியில், 1 கிலோகிராம் கஞ்சாவை வைத்திருந்த 33 வயதுடைய பெண் ஒருவரை, இன்று (28) மாலை 3 மணியளவில் கைதுசெய்துள்ளதாகத் தெரிவித்த கந்தளாய் சிறு குற்றத்தடுப்பு பொலிஸார், அவரிடமிருந்து கஞ்சாவையும் கைப்பற்றியுள்ளதாகவும் தெரிவித்தனர்.

குறித்த பெண், கஞ்சா வைத்திருப்பதாக பொலிஸாருக்குக் கிடைக்கப்பெற்ற இரகசியத் தகவலையடுத்து, பொலிஸார் அவ்விடத்துக்கு விரைந்து நடத்திய சுற்றிவளைப்பின் போது அவரது வீட்டிலிருந்து கஞ்சாவுடன் குறித்த நபர் கைது செய்யப்பட்டார்.

அந்தப் பெண்ணை, நாளை புதன்கிழமை, கந்தளாய் நீதவான் நீதிமன்றத்தில் ஆஜர்படுத்தவுள்ளதாக கந்தளாய் சிறு குற்றத்தடுப்பு பொலிஸார் தெரிவித்தனர்.