பெண்களிடம் நகை பறிப்பவர்கள் குறித்து எச்சரிக்கை

(எப்.முபாரக்)

கிண்ணியா பிரதேச வீதிகளில் செல்லும் பெண்கள் கழுத்தில் அணிந்திருக்கும் ஆபரணங்களை பறித்துக் கொண்டு மோட்டர் சைக்கிளில் தப்பிச் செல்லும் கொள்ளையர்கள் இருவர் நடமாடிக் கொண்டிருப்பதாக கிண்ணியா பொலிஸார் பொதுமக்களுக்கு எச்சரிக்கை விடுத்துள்ளனர்.

கிண்ணியா பிரதேசத்தில் அண்மைக்காலமாக இவ்வாறான கொள்ளைச் சம்பவங்கள் அடிக்கடி இடம்பெற்று வருவதாகது குறித்து கிண்ணியா பொலிஸாருக்கு கிடைத்த முறைப்பாட்டை அடுத்து இது தொடர்பாக கிண்ணியா பிரதேச பள்ளிவாசல்கள் மூலம் அறிவிக்கப்பட்டுள்ளது.

இக்கொள்ளையர்கள் சிவப்பு மற்றும் கறுப்பு நிறத்திலான மோட்டார் சைக்கிளில் வருவதாகவும் கிண்ணியா பொலிஸார் தெரிவிக்கின்றனர்.