உளவளத்துணை தொடர்பான கருத்தரங்கு

(முறாசில்)

மூதூர் தள வைத்தியசாலையினால் ஓழுங்கு செய்யப்பட்ட உளவளத்துணை தொடர்பான கருத்தரங்கு  நேற்று புதன்கிழமை மூதூர் அந்-நஹார் மகளிர் மகா வித்தியாலயத்தில் நடைபெற்றது.

மூதூர் தளவைத்தியசாலை அத்தியட்சகர் டாக்டர் வீ.பிரேம் ஆனந்த் தலைமையில் நடைபெற்ற இக்கருத்தரங்கில் தலைமை வளவாளராக உளவியல் நிபுணர் டாக்டர் பி. பிரபாத் விக்ரம கலந்து கொண்டு மறதியும் மனவெழுச்சியும், மறதிக்கான காரணம், ஞாபக சக்தியை  மேம்படுத்துவதற்கான வழிமுறைகள் முதலான விடயங்களில் விரிவாக விளக்கமளித்ததோடு, மாணர்களின் உளநெருக்கீடுகளைப் போக்குவதற்கு ஆலோசனைகளையும் முன்வைத்தார்.

இக்கருத்தரங்கில் அதிபர் ஜே.எம். இக்பால், தாதிய உத்தியோகத்தர் ஏ.டபிள்யு.முபாரக், வைத்தியசாலை அபிவிருத்திக்குழு முக்கியஸ்தர் எஸ்.எம்.தஸ்லீம், உட்பட மூதூர் பிரதேசத்திலுள்ள பாடசாலை உயர்தர மாணவர்களோடு உளவளத்துணை ஆசிரியர்களும் கலந்துகொண்டனர்.