கசிப்பு உற்பத்தி நிலையங்கள் முற்றுகை

திருகோணமலை, சம்பூர் பொலிஸ் பிரிவுக்குட்பட்ட பாட்டாளிபுரம் காட்டுப்பகுதியில், இன்று (23) அதிகாலை, இரண்டு கசிப்பு உற்பத்தி நிலையங்கள் முற்றுகையிடப்பட்டதுடன், இருவர் கைதுசெய்யப்பட்டனர் என, சம்பூர் பொலிஸார் தெரிவித்தனர்.

இதன்போது ஒரு கசிப்பு நிலையத்தில் 7,500 மில்லிலீற்றர் கசிப்பு, 15,000 மில்லிலீற்றர் கோடா ஆகியன கைப்பற்றப்பட்டதுடன், 24 வயதுடைய சந்தேகநபரும் கைதுசெய்யப்பட்டுள்ளார்.

மற்றைய கசிப்பு உற்பத்தி நிலையத்தில் 6,000 மில்லிலீற்றர் கசிப்பு, 2,500 மில்லிலீற்றர் கோடா, கசிப்பு காய்ச்சப் பயன்படுத்தப்படும் உபகரணங்கள் என்பவற்றுடன், 20 வயதுடைய சந்தேகநபர் கைதுசெய்யப்பட்டாரென, பொலிஸார் மேலும் தெரிவித்தனர்.