காட்டு யானை தாக்கி வயோதிபர் உயிரிழப்பு

தீஷான் அஹமட்

திருகோணமலை, சேருநுவர பொலிஸ் பிரிவுக்குட்பட்ட அரியமாங்கேணி பகுதியைச் சேர்ந்த வயோதிபரொருவர் யானைத்தாக்குதலுக்கு உள்ளாகி உயிரிழந்துள்ளார் என, பொலிஸார் தெரிவித்தனர்.

வீட்டுக்குப் பின் புறமாகவுள்ள தோட்டப் பயிர்ச்செய்கைக்குக் காவலுக்குச் சென்ற போது, யானை தாக்கி படுகாயமடைந்த அவர், நேற்றிரவு (13) 9.45மணியளவில் உயிரிழந்துள்ளார்.

சேருநுவர, அரியமாங்கேணி பகுதியைச் சேர்ந்த எஸ்.வேலாயுதம் (70 வயது) என்பவரே இவ்வாறு உயிரிழந்துள்ளார்.

சடலம், மூதூர் வைத்தியசாலை பிரேத அறையில் வைக்கப்பட்டுள்ளதுடன், விசாரணைகளை சேருநுவர பொலிஸார் மேற்கொண்டு வருகின்றனர்.