கேரளா கஞ்சா வைத்திருந்த இருவர் கைது

திருகோணமலை ,சிறாஜ் நகர் சந்தியில் கேரளா கஞ்சா வைத்திருந்த இரு சந்தேகநபர்களை, தம்பலகாமம் பொலிஸார் இன்று  (24) காலை கைது செய்துள்ளனர்.

இவ்வாறு கைது செய்யப்பட்ட இரு நபர்களிடமிருந்து 2 கிலோ 100 கிராம் கேரளா கஞ்சா கைப்பற்றப்பட்டுள்ளதாக, பொலிஸார் தெரிவித்தனர்.

இந்தச் சம்பவத்தில், கிண்ணியா  மற்றும் வாணாறு பகுதிகளைச் சேர்ந்தர்களே கைது செய்யப்பட்டுள்ளதாகவும் இவ​ர்கள் பணப்பையில் கேரளா கஞ்சாவினை மறைத்து  பயணிகளைப் போல் நடமாடித் திரிந்ததாகவும் தெரிவிக்கப்படுகின்றது.

சம்பவம் தொடர்பில்  தம்பலகாமம் பொலிஸார் மேலதிக விசாரணையை முன்னெடுத்துள்ளனர்.