கேரளா கஞ்சா வைத்திருந்தவர் கைது

திருகோணமலை, ஜயந்திபுரப் பகுதியில்,எண்ணூற்றி ஐம்பது மில்லி கிராம் கேரளா கஞ்சாவை வைத்திருந்த சந்தேகநபர் ஒருவரை  ஜயந்திபுரப் பொலிஸார் நேற்று(21) மாலை கைது செய்துள்ளனர்.

இந்தச் சம்பவத்தில் சூரியபுர பகுதியைச் சேர்ந்த 43 வயதுடைய ஒருவ​ரையே  கைது செய்ததாக பொலிஸார் தெரிவிக்கின்றனர்.

மேலும், குறித்த சந்தேகநபரை தடுப்பு காவலில் வைத்து மேலதிக விசாரணைகளை முன்னெடுத்து வருவதோடு, இவரை கந்தலாய் நீதவான் நீதிமன்றத்தில் முன்னிலைப்படுத்துவதற்கான ஏற்பாடுகளையும் பொலிஸார் முன்னெடுத்துள்ளனர்.