சிறுமிக்குச் சித்திரவதை; தந்தை கைது

அப்துல்சலாம் யாசீம், எப்.முபாரக்

திருகோணமலை ரொட்டவெவ பகுதியில் 9 வயதுச் சிறுமியைப் பொல்லால் தாக்கி சித்திரவதை செய்த தந்தை, நேற்று (14) மாலை  கைதுசெய்யப்பட்டுள்ளாரென, மொறவெவ பொலிஸார் தெரிவித்தனர்.

திருகோணமலை, ரொட்டவெவயைச் சேர்ந்த எம்.எச்.அஜ்மீர் (44 வயது) என்ப​வரே கைதுசெய்யப்பட்டவராவார்.

மதுபோதையில் வருகை தந்து தனது கணவர், மகளை பொல்லால் அடித்து, நெற்றியிலும் முதுகிலும் காயப்படுத்தினாரென, மொறவெவ பொலிஸ் நிலையத்தில் மனைவியால் ​முறைப்பாடு செய்யப்பட்டுள்ளது.

காயங்களுக்குள்ளான சிறுமி, மஹதிவுல்வெவ பிரதேச வைத்தியசாலையில் அனுமதிக்கப்பட்டு, மேலதிக சிகிச்சைக்காக திருகோணமலை பொது வைத்தியசாலைக்கு அனுப்பப்பட்டுள்ளாரென, வைத்தியசாலை வைத்தியதிகாரி தெரிவித்தார்.