துறைமுக வீதியை புனரமைக்க நடவடிக்கை

எம். முபாரக் 

திருகோணமலை, மூதூர் பிரதேச சபைக்குட்பட்ட துறைமுக வீதியின் 400 மீற்றரை கார்பெட் வீதியாவும் 800 மீற்றரை சாதாரண வீதியாகவும் மாற்றுவதற்கான புனரமைப்பு நடவடிக்கைகள் மேற்கொள்ளவுள்ளதாக கிழக்கு மாகாண சபை உறுப்பினர் ஜே.எம்.லாஹிர் தெரிவித்தார்.      

கிழக்கு மாகாண சபை உறுப்பினரும் சிரேஷ்ட சட்டத்தரணியுமான ஜே.எம்.லாஹிரின் இருபது இலட்சம் ரூபாய் நிதியொதுக்கிட்டில் மூலமே இவ்வீதி புனரமைக்கப்படவுள்ளது.

நீண்ட காலமாக புனரமைக்கப்படாது மக்கள் பல சிரமங்களுக்கு மத்தியில் பிரயாணம் மேற்கொண்டு வந்த வீதியினை இணங்கண்டே புனரமைக்க நடவடிக்கை மேற்கொண்டுள்ளதாகவும் கிழக்கு மாகாண சபை உறுப்பினர் தெரிவித்தார்.                  

குறித்த துறைமுக வீதியினை புனரமைப்பதற்கான வேலைகளுக்காக வேண்டு கற்கள் மற்றும் மணல் போன்ற இதர பொருட்களும் இடப்பட்டு வருவதாகவும் தெரிவிக்கப்படுகிறது.