புடவைக்கட்டு முஸ்லிம் வித்தியாலய மாணவர்கள் பகிஷ்கரிப்பு

-ஏ.எம்.ஏ.பரீத்

திருகோணமலை, புடவைக்கட்டு முஸ்லிம் வித்தியாலய மாணவர்கள் இன்று மூன்றாவது நாளாகவும் தொடர்ந்து பகிஷ்கரிப்பில் ஈடுபட்டுள்ளனர்.

இந்த வித்தியாலயத்தில் சுமார் 253 மாணவர்கள் கல்வி கற்றுவரும் நிலையில், 6 ஆசிரியர்களே உள்ளனர். இந்த வித்தியாலயத்துக்கு இன்னும் 9 ஆசிரியர்கள் தேவைப்படுகின்றனர் எனக் கூறி அவ்வித்தியாலயத்தில் பகிஷ்கரிப்பு மேற்கொள்ளப்பட்டு வருகின்றது.

கடந்த (2) செவ்வாய்க்கிழமை  ஆர்ப்பாட்டத்தில் ஈடுபட்ட இவர்கள், அன்று முதல் பகிஷ்கரிப்பில் ஈடுபட்டு வருகின்றனர். இதனால், பாடசாலை வெறிச்சோடிக் காணப்படுகின்றது.