மதில் விழுந்ததில் சிறுவன் படுகாயம்

பதுர்தீன் சியானா

கிண்ணியா, அரை ஏக்கர் பகுதியில் மதில் விழுந்து கால் உடைந்த நிலையில் மயங்கிக் கிடந்த சிறுவன், திருகோணமலை பொது வைத்தியசாலையில் இன்று (24) காலை 11.30  மணியளவில் அனுமதிக்கப்பட்டுள்ளதாக வைத்தியசாலைப் பொலிஸார் தெரிவித்தனர்.

அதே இடத்தைச் சேர்ந்த எம்.ஆர்.சஹ்ரி (08வயது) என்ற சிறுவனே இவ்வாறு  படுகாயமடைந்துள்ளான்.

வீட்டுக்கு முன்னாலுள்ள சிறுவர்களுடன் மதிலில் ஏறி விளையாடிக்கொண்டிருந்த போது, கீழே நின்ற இவர் மீது மதில் உடைந்து விழுந்ததாக உறவினர்கள் தெரிவித்தனர்.

சிறுவனின் கால் உடைந்துள்ளதாகவும் சத்திரசிகிச்சை செய்யவுள்ளதாகவும் வைத்தியசாலை அதிகாரியொருவர் தெரிவித்தார்.